Leviticus 14:22 - De Beebaa Dabu

²² ma e lua manu kono aabe e lua pigeon, go ana mee e mau i de gaamai; dahi luu manu lele laa e hai ai ssigidaumaha o haisala, gai dahi e hai ai ssigidaumaha dudu.

Leviticus 14:22 Referans Kwoze

Ezekiel 7:16

Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

Jeremiah 48:28

Dangada e nnoho i Moab, goodou hulo gee i denga aduhale ma gi nnoho i magavaa o denga hadu; goodou gi bei denga manu kono e hai laa olaadeu hoohanga i mada haonga i honga mounga.

Isaiah 59:11

Gimaadeu alodahi e hagangolo bei denga bea, gai e gonogono bei denga manu kono. Gimaadeu ne ssala de hagamodu muna heohi, aagai gimaadeu tee gidee, gimaadeu e tali de hagaola, aagai e mmao gee donu i gimaadeu.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Song of Songs 2:14

Dagu manu kono e noho laa i lo te baba, ma de mmuni i magavaa hadu i gaogao de mounga, hagasula mai gi gidee e au luoo mada, haia gi langona e au doo leo, go hiidinga doo leo e maamaane, gai luoo mada e mahamaha.

Psalm 68:13

gai ga nnoho naa donu goodou i de mommee iai buibui o denga ssiibi — gai denga bakau o de manu kono e haoli i selevaa, ono hulu manu ni goolo malamalama.”

Leviticus 5:7

Noo ia e dee maua i de gaamai dahi ssiibi gauligi, aagai ia gi gaamai gi Tagi Maolunga e lua manu kono aabe e lua pigeon e hai ai ssigidaumaha o mee aana ne hagahaisala laa; dahi luu manu nei e hai ai ssigidaumaha o haisala, gai dahi e hai ai ssigidaumaha dudu.

Leviticus 14:21

Aagai noo tangada laa e hagaau aloha e dee maua e ia i de gaamai mee nei, gai ia gi gaamai dahi ssiibi daane e hai ai ssigidaumaha o tagasala daodaohi age, e tala ai ono haisala, ma e dahi diba i diba e madaangahulu o dahi ephah o pelaoaa lligi gu hilo ma lolo e hai ai ssigidaumaha o grain ma dahi log lolo olive,

Leviticus 14:24

gai tangada haimeedabu gi gaavee ssiibi daane e hai ai laa ssigidaumaha o tagasala, ma de log lolo laa, ga daodaohi age e hai ai ssigidaumaha daodaohi age i mada luu mada o Tagi Maolunga.

Leviticus 15:14

Gai de hagavalu laangi, ia gi gaamai e lua manu kono aabe e lua pigeon gi Tagi Maolunga i de haitoga o de hale malo hagabuni, ga gaavange gi tangada haimeedabu.

Numbers 6:10

Gai de valu laangi, ia gi gaamai e lua manu kono be lua pigeon gi daho tangada haimeedabu i de haitoga o de hale malo hagabuni.