Leviticus 13:45 - De Beebaa Dabu

⁴⁵ Gai tangada iai gili baubau bee nei gi gahu i malo duai, ga tili dono biho gi lausamua, gai ia gi haolia de bido gi lalo o dono ngudu, gai ia gi oo gi hagadaba, ‘E dee gilimalali! E dee gilimalali!’

Leviticus 13:45 Referans Kwoze

Micah 3:7

Gai gilaadeu e daalaa mee e loomai e dookaa naa, de gau hai huuhuaa mee e hagangadi mee ina naa. Gilaadeu alodahi e dookaa naa ga haoli olaadeu mada, go hiidinga de Maadua gu dee basa ange gi gilaadeu.”

Leviticus 10:6

Gai Moses ga hai ange gi Aaron, ma luaana dama daane go Eleazar aama Ithamar, “Goodou e dee hai gi lausamua oodou biho, be e saesae oodou malo gi dee maakau ai goodou, gai dae mai ai de lili o Tagi Maolunga gi honga o de huaadangada. Gai oodou daina go de gau Israel alodahi e tangi naa i hiidinga o dangada a Tagi Maolunga ne daa ga maakau i de ahi.

Ezekiel 24:17

Gai koe dangi, gai haia gi deai e langona; gai koe e dee dangi i tangada magau. Noodia doo goobai i honga doo biho ma de ulumagi oo mee vae; gai koe gi dee haolia doo ngudu, aabe gi gaina gai a de gau hinangalosaa e gai.”

Lamentations 4:15

Dangada e oo ma e hai ange gi gilaadeu, “Goodou hulo gee donu! Goodou hulo gee donu! Goodou aude poo mai gi gilaadeu!” Deelaa ai, gilaadeu gu ni dangada e silivaahea saele; gai dangada o denga huaahenua e hagataba, “Gilaadeu e dee maua donu i de nnoho madali gidaadeu.”

Luke 17:12

Gai de masavaa o Iesu ne ulu ai i dahi aduhale, gai ia gu gidee e dinoangahulu daane lebelaa e tuu i dahi mommee mmao,

Ezekiel 24:22

Gai goodou e hai naa ga bei agu mee gu hai nei: goodou e dee haoli naa oodou ngudu, aabe e gai mee a de gau hinangalosaa e gai laa.

Leviticus 21:10

Gai tangada haimeedabu maolunga, i magavaa ono daina gu hagadabu laa i lolo, ma de hagadabu gi gahu i malo o tangada haimeedabu, gi dee hai dono biho gi lausamua, aabe e saesae ono malo ⌊i dono hinangalosaa⌋.

Luke 5:8

Aagai de masavaa huu a Simon Peter ne gidee ai mee laa, gai ia ga humai ga duuduli i gaogao luu vae o Iesu, ga hai ange, “De Ia Aamua, hano gee mai i ogu daha, au se dangada haisala!”

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Psalm 51:3

Gai au e iloo donu dagodo o ogu haisala, ogu haisala e daakodo i ogu mada i mua i masavaa alodahi.

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Jeremiah 36:24

Gai de hodooligi ma ono dangada hai hegau tee maatagu hogi i delaadeu langona muna laa alodahi, aabe ne saesae olaadeu malo.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Psalm 51:5

Ni muna abodonu, au se dangada baubau mai i dogu haanau, gai au ne haisala mai donu i de masavaa oogu ne hagadili ai i daho dogu dinana.

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

De Beebaa go Job 1:20

Gai a Job ne hidi age ga ssae ono malo ma de dahi dono biho. Gai ia ga ino gi honga de gelegele ga daumaha ange gi de Maadua,

2 Samuel 13:19

Gai ia ne hagamalili ange lehu gi honga dono biho, ga ssae de malo lloa hagalaagii oona e gahu ai laa; gai ia ne haoli dono biho i luoono lima ma de oo ga dangi ga seesee ai ga hano.

Genesis 37:29

Gai ga ahe huu Reuben gi de mommee iai de geelinga laa, gai ga gidee huu ia bolo Joseph gu dee maleva i kilaa, gai ia ga ssae ono malo.

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Leviticus 13:44

gai tangada laa gu iai gili baubau, ia gu dee gilimalali. Gai tangada haimeedabu gi hagadaba bolo ia gu dee gilimalali, i hiidinga o de mangeo i biho.

2 Kings 7:3

De masavaa laa gai e dogohaa daane lebelaa e nnoho i gaogao de haitoga o Samaria; gilaadeu ne hagadau ssili ga hagataba, “Ni haigamaiana aha taadeu nnoho i kinei ga dae ai gi taadeu maakau?

Numbers 5:2

“Daalaa ange gi de gau Israel hai ange, gilaadeu gi dee dugua de gau mmagi lebelaa i de mommee nnoho gaainga, ma dangada alodahi e hanu mee e ssali mai i gilaadeu, ma gilaadeu e dee gilimalali i delaadeu hagapaa ange gi dahi dangada magau.