Leviticus 11:42 - De Beebaa Dabu

⁴² Gai manu alodahi e tolo i honga de gelegele, be go manu e seesee i e haa vae, ma manu e lagolago ange olaadeu vae, goodou e dee gai, go hiidinga e dee gilimalali.

Leviticus 11:42 Referans Kwoze

Titus 1:12

Gai e hagadaba dahi pelaabisi o de gau Crete, “De gau Crete ni dangada e hadu muna i masavaa alodahi, gilaadeu e bei dagodo o denga manu alasala baubau, gai e aagai ma de vaiduu.”

2 Corinthians 11:13

Gai de gau bee nei ni dangada tala hadu muna, gai ni dangada hai hegau e hagasengalia dangada, ma de hagadulagi ange gilaadeu gi dagodo o de gau tala o Klisdo.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Matthew 23:23

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaavange dahi diba i diba e madaangahulu o oodou mint ma dill aama cummin, gai goodou gu tili muna o de hainga e kii ange laa de hagamogomogo: go de hagamodu muna heohi, ma de abodonu ange gi dangada aama de gai. E heohi donu doodou hai mee nei, gai e dee tili mee ange laa.

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Micah 7:17

Gilaadeu e samusamu naa de gelegele bei de labodo, ma denga manu e tolo laa i honga de gelegele. Gilaadeu e sasao mai naa i lodo olaadeu mommee buibui makaga ma de bolebole; gilaadeu e daahuli mai naa gi Tagi Maolunga taadeu Maadua i delaadeu maatagu, gilaadeu e maatagu naa hogi i de goe.

Isaiah 65:25

De wolf ma ssiibi gauligi e gaimee naa i de mommee daudahi, gai de laiono e gai naa denga helii bei dagodo o de kaau; aagai de labodo hagammau e gai naa mama o de gelegele. Gai gilaadeu e dee hagalagohia naa donu dahi, aabe e oha dahi mee i honga dogu mounga dabu,” go Tagi Maolunga e hagadaba.

Genesis 1:20

Gai de Maadua ga hagadaba, “Lo te lausedi gi honu i denga hagadaagangaa mamu ma mee alodahi e mouli i kilaa, gai denga manu llele gi llele saele i lo te moana i lunga.”

Leviticus 11:41

Denga manu vaaligiligi alodahi e tolo saele i honga de gelegele e hakino gee; goodou e dee alaange de gai.

Leviticus 11:43

Goodou e dee hai gi hakino gee goodou i denga manu bee nei. Goodou e dee hai gi dee gilimalali goodou, ga hai ai ga hakino gee goodou.