Lamentations 5:14 - De Beebaa Dabu

¹⁴ Denga daane maatua gu dee hagabuni i ma te haitoga o de aduhale; denga dama daane gu dee hagadangidangi.

Lamentations 5:14 Referans Kwoze

Jeremiah 7:34

Gai au e hai naa gi dee langona leo o de hine ma taane gu dai hagahai bodu e llodo danuaa ai, aabe e malangilangi ai i lodo aduhale o Judah, aama honga haiava o Jerusalem, gai de henua e ngadi dagodo naa.”

Ezekiel 26:13

Gai au e hai naa gi deai dangada e daahili i kilaa, ma de hai gi dee langona de leo o de mee hagadangidangi iai daula.

Revelation 18:22

Gai leo o mee hagadangidangi bei harp ma de gau daahili, ma de ilihia o denga flute, ma trumpet gu dee langona ange naa donu i kilaa. Gai gu deai hogi hagadaagangaa labagau e gidee i de mommee laa, gai gu dee langona hogi de hai hegau o de hadu mmili i oo daha.

Lamentations 2:10

Denga daane maatua o tamaa hine o Zion gu nnoho i honga de gelegele ma e dee mmuu ai, gai gu hagamalili ange gelegele gi honga olaadeu biho ma de kahu i denga malo daladala. Denga damaa hine o Jerusalem gu ino gi honga de gelegele.

Lamentations 1:19

Au ne hagahi gilaadeu e balea mai au, gai gilaadeu ne hadu muna mai gi de au. De gau haimeedabu ma denga daane maatua gu daia ma gu maakau i lo te aduhale, i de masavaa alaadeu e ssala ai hanu gai gi dee maakau ai gilaadeu.

Lamentations 1:4

Denga haiava e hulo laa gi Zion gu hinangalosaa, go hiidinga gu deai dangada e loomai gi denga daonga gu hagailonga laa. Haitoga alodahi o de aduhale gu deai dangada iai, ono gau haimeedabu gu tangi; denga bua mmoe gu daemaha olaadeu lodo, gai Zion gu duasala mmao.

Jeremiah 25:10

Au e hai naa hogi gi deai se malangilangi aabe se lodo danuaa, be go leo o dahi daane ma dono bodu i kilaa, aabe go de leo o denga hadu mmili, aabe go de maalama o de laama e gidee i kilaa.

Jeremiah 16:9

Go hiidinga e hagadaba Tagi o denga hagabuulinga hebagi, de Maadua o Israel: Au e hai naa gi gidee e goodou i laangi oodou e mouli ai, teai daonga e malangilangi ai aabe go leo o taane ma de hine se goodo hai bodu i de mommee nei.

De Beebaa go Job 30:31

Dagu harp e hua denga daahili hagahinangalosaa, gai dagu flute e hagadangidangi madali gilaadeu e tangi.

De Beebaa go Job 30:1

Aagai iainei gilaadeu e kada i de au, dangada e gauligi mai ange i de au; gai olaadeu damana ni dangada niiogu e kino i de dugu madali denga gaaduu e hagaloosia ina agu ssiibi.

Deuteronomy 16:18

Goodou hilia hanu dangada hagamodu muna ma hanu dagi i denga aamuli alodahi aama aduhale alodahi a Tagi Maolunga doodou Maadua gu dai gaavadu gi goodou, gai gilaadeu ga hagamodu ai muna o dangada i de heohi.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.