Lamentations 3:56 - De Beebaa Dabu

⁵⁶ Gai koe gu langona dagu dangidangi: “Koe gi dee bonodia luoo dalinga i de masavaa oogu e dangidangi ai i de bale!”

Lamentations 3:56 Referans Kwoze

Psalm 55:1

De Maadua, hagalaangona dagu dalodalo, koe gi dee hagangadi mee ina dagu dangidangi!

De Beebaa go Job 34:28

Gilaadeu ne hai gi langona e de Maadua de tangi o de gau hagaau aloha, gai ia ne langona de tangi o olaadeu e duasala.

Romans 8:26

Gai e bei ai hogi de Hagasaalunga ⌊Dabu⌋, ia e bale mai gidaadeu i taadeu baageaa; go hiidinga gidaadeu e dee iloo de mee e heohi taadeu dalodalo ai, aagai go de Hagasaalunga e dalodalo i gidaadeu i taemaha e dee maua laa i de tala.

Isaiah 38:5

“Hannoo hai ange gi Hezekiah, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada; tilo, au e dugu adu naa goe gi mouli i e madaangahulu ma lima ange ngadau.

Psalm 34:6

Tangada hagaaloha nei ne dangi, gai Tagi Maolunga gu langona dana dangi, ga hagaola ia mai i ono hai ngadaa alodahi.

Psalm 66:19

Ni muna abodonu de Maadua e hagallongo; ia e hagallongo donu dagu dalodalo.

Psalm 3:4

Au e hagahi Tagi Maolunga i de leo laumalie, gai ia ne basa mai gi de au i dono mounga dabu. Selah

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 33:13

Gai de masavaa huu oona ne dalodalo ange ai gi Tagi Maolunga, gai ia ga hagallongo dana dangidangi, ga hagaahe mai ia gi Jerusalem ga hagaahe ange ia gi dono nohoanga hodooligi. Gai Manasseh gu donu iho bolo Tagi Maolunga go de Maadua abodonu.

Psalm 5:2

Dogu Hodooligi, gai go dogu Maadua, hagalaangona dogu dangi adu i dau bale, go hiidinga au e dalodalo adu gi de goe.

Psalm 5:3

Tagi Maolunga, koe gi hagalangona dagu dangidangi i taiao, au e hagadabena dagu sigidaumaha adu gi de goe i taiao ma de noho ga tali ⌊doo basa mai⌋.

Psalm 55:2

Anga mai ma gi basa mai gi dagu dalodalo; au gu kona mmao dogu hai ngadaa. Gai gu dee baba mmao ogu lodo

Psalm 55:18

Ia e hagaola mai au i de hai ngadaa ma gilaadeu e hebagi mai gi de au, go hiidinga e soa donu e hai baasi mai gi de au.

Daniel 9:17

Deenei ai, demaadeu Maadua, hagalaangona dalodalo ma dangidangi a doo dangada hai hegau. Gai haia de maalama o luoo mada gi hagamaalama ina doo mommee dabu gu ngadi dagodo laa, i hiidinga doo ingoo, de Ia Aamua.