Lamentations 3:39 - De Beebaa Dabu

³⁹ Gai gu aha tangada gu nanu ai i dono hagaduasala i hiidinga ono haisala?

Lamentations 3:39 Referans Kwoze

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Proverbs 19:3

Tangada lodo senga e oha dono mouli, gai ono lodo e hagabaubau Tagi Maolunga.

Jeremiah 30:15

Gu ahe gu dangi ai naa goe i doo lagohia, gai e dee maua gi helui doo mmae? Go hiidinga oo baubau nnui, ma oo haisala e lagolago, aagu ne hai adu ai nei mee nei gi de goe.

Lamentations 3:22

Go hiidinga de abodonu o Tagi Maolunga, odaadeu tee maakau ai; dono lodo aloha e dee helui donu.

Isaiah 51:20

Au dama gu deai olaadeu mahi; gilaadeu e daakodo saele i dege o denga haiava bei de antelope gu lave laa i lo te galauna. Gilaadeu gu langona iho de bole o Tagi Maolunga, ma de hagasee a doodou Maadua gilaadeu.

De Beebaa go Job 11:6

ma de hagaago adu gi de goe de heiangi e dee iloo laa, go hiidinga dono heiangi e lagolago ono manga. Gai koe gi donu iho: de Maadua gu hagangalo donu hogi hanu oo haisala.

Ezra 9:13

Gai dua demaadeu tuu ange gi mee nei, i hiidinga o amaadeu hegau baubau, ma omaadeu haisala lagolago, gai koe, demaadeu Maadua, tee hagaduasala donu gimaadeu gi bei de lagolago omaadeu baubau, aagai ne hai gi hanu gimaadeu e doe.

2 Kings 6:32

De masavaa laa gai Elisha e noho i dono hale, gai denga daane maatua e nnoho madali ia. Gai de hodooligi ne hai dahi daane gi hano i ono daha. Gai i mua de dae o taane laa gi daho Elisha, gai Elisha ne hai ange gi denga daane maatua laa, “Goodou kalo ange diiloo, taane daa dangada laa gu gaamai dahi daane gi duudia dogu ua! Tilo, dono masavaa e dae mai ai, gai goodou ga pono de abaaba ga hagamakaga gi dee ulu mai ai ia. E aha, e dee go dono dangada aamua e humai laa i ono dua?”

2 Kings 3:13

Gai Elisha ga ssili ange gi de hodooligi o Israel, “Gu aha gu humai ai naa goe gi ogu daha iainei? Hannoo gi daho denga pelaabisi o doo damana ma doo dinana.” Gai de hodooligi ga hai ange gi de ia, “E deai, i hiidinga Tagi Maolunga ne hagabuni ina mai denga hodooligi e dogodolu nei e gaavange gi de gau Moab gi hagadee kii ina.”

Numbers 17:12

Gai de gau Israel ga hai ange gi Moses, “Tilo, gimaadeu e maakau naa donu! Gu maakau donu gimaadeu! Gu maakau donu gimaadeu!

Numbers 11:11

Gai Moses ga hai ange gi Tagi Maolunga, “Gu aha goe gu hai ai nei doo dangada hai hegau bee nei? Koe gu dee malangilangi nei i de au, gai koe ga hai ai nei au gi hagaudalia taemaha o de gau soa nei?

Leviticus 26:43

Aagai gilaadeu e hulo gee naa i de henua, gai de henua e hagamabu naa i de masavaa olaadeu e dee nnoho ai i kilaa; gai gilaadeu ga hagauda de hagaduasala i hiidinga olaadeu haisala, go hiidinga gilaadeu ne tili agu hagamodu, gai ne kino i agu muna gu hagasauaa.

Leviticus 26:41

mee nei gu hai gi hai baasi ange au gi gilaadeu, gai au ne kave gilaadeu gi de henua o olaadeu hagadaumee — gai de masavaa naa huu e hagamaolalo ai olaadeu lodo, gai gilaadeu ga hagaduasala i hiidinga olaadeu haisala,

Revelation 16:9

Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Psalm 107:17

Hanu gilaadeu ne llodo ssenga i hiidinga olaadeu haisala, gai ne hagaduasala i hiidinga olaadeu baubau.

2 Kings 6:33

De masavaa a Elisha e basa ange ai gi gilaadeu, gai tangada hai hegau o de hodooligi gu dae mai ai gi kilaa. Gai de hodooligi ga hai ange, “De hai ngadaa nei se mee mai donu i daho Tagi Maolunga. Gai ni haigamaiana aha dagu tali ange gi Tagi Maolunga?”

De Beebaa go Job 15:13

ma de hagaago ange doo lili gi de Maadua, gai koe ga tala ai au muna naa?

Jeremiah 10:19

⌊Dangada e hagataba,⌋ “Gu vakaa loo au i hiidinga au gu lagohia! Dogu maanuga e dee maua gi mahu. Aagai au e hagadaba, ‘Ni muna abodonu, de mee nei dogu magi, au e hagauda donu de mee nei.’