Lamentations 3:31 - De Beebaa Dabu

³¹ Go hiidinga de Ia Aamua e dee tili donu dahi dangada ga hano ai.

Lamentations 3:31 Referans Kwoze

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

Psalm 77:7

“E aha, de Ia Aamua e tili naa gidaadeu ga hano ai? Ia gu dee ahe ange naa donu e abodonu mai?

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Jeremiah 31:37

E hagadaba Tagi Maolunga: “Noo e maua i de haide lo te langi i lunga, gai noo denga dagelo o henua i lalo e odi i de gidee danuaa, gai au e tili naa hagadiilinga alodahi o Israel i hiidinga o mee alodahi alaadeu gu hai,” go Tagi Maolunga e hagadaba.

Nahum 1:12

E hagadaba Tagi Maolunga, “E dee galemu naa donu delaadeu mmahi ma de soa, gai gilaadeu e odi naa donu i de maakau. Judah, e dee galemu donu au gu hagaduasala goe, gai au e dee ahe ange naa donu e hagaduasala goe.

2 Samuel 14:14

Gidaadeu alodahi e maakau naa donu; gidaadeu e bei dagodo o denga vai gu maalingi laa gi honga de gelegele, gu dee maua i de ahe ange e hagabudu. Aagai de Maadua e dee kave de mouli o dahi; gai ia e ssala de hai e hagaahe mai ai de ia gu hai gi hano gee mai i ono daha.

1 Kings 11:39

Au e hagaduasala naa hagadiilinga o David i hiidinga o de mee nei, aagai e dee hagaduasala gilaadeu ga hano ai.’ ”

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.