Lamentations 3:25 - De Beebaa Dabu

²⁵ Tagi Maolunga e abodonu ange gi gilaadeu e daalia ange ia, ma tangada e saalaa ia.

Lamentations 3:25 Referans Kwoze

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Psalm 37:34

Daalia ange Tagi Maolunga ma de daudali i dono haiava. Gai ia ga hagaamua goe, ga hai goe gi henua i de henua; gai koe e gidee naa de maakau o de gau baubau.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Lamentations 3:26

Se mee danuaa de golomagi lodo o tangada ga tali ai de hagaola a Tagi Maolunga.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Psalm 37:7

Noho ma gi dee muu, golomagina oo lodo daalia ange ai Tagi Maolunga; aude manavasaa i de hagadaga age o dangada i alaadeu mee e hai, aabe go tangada e sula ana hagatau baubau.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

2 Chronicles 31:21

Gai ia ne hagadaga age i mee alodahi aana ne hai i de hale o de Maadua ma dono daudali i hainga ma muna gu tala ange, ma dana ssala de Maadua ga hai mee nei i ono lodo alodahi.

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Psalm 39:7

Dogu Ia Aamua, goai aagu e tali ange aagena? Au e tali hagalodolodo adu gi de goe.

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

Psalm 25:8

Tagi Maolunga e danuaa gai e heohi; deelaa ai, ia e agoago ange dono haiava gi gilaadeu e haisala.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Psalm 119:2

E manuuia gilaadeu e daohia ana muna, ma de ssala ia i olaadeu lodo alodahi,

Genesis 49:18

Tagi Maolunga, au e tali dau hagaola.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Psalm 105:3

Hagamahamaha ina dono ingoo dabu; alodahi e saalaa Tagi Maolunga gi malangilangi!

Psalm 61:1

De Maadua, hagalaangona dagu dangi; gai hagalaangona dagu dalodalo.

Psalm 69:32

Gai gi malangilangi ai gilaadeu e duasala i delaadeu gide mee nei; dangada e saalaa de Maadua e maamaane olaadeu lodo.

2 Chronicles 30:19

gu hagababa laa i ono lodo bolo ia ga ssala de Maadua, go Tagi Maolunga, de Maadua o ono dubuna madagidagi, e dee galemu donu ia tigi hagagilimalali ia bei dagodo o denga hainga o de mommee dabu.”

2 Chronicles 19:3

Gai goi hanu huu oo danuaa, go hiidinga koe ne aau gee mai i de henua denga duludulu laagau o Asherah, gai koe ne hagaduu ngae ga ssala de Maadua.”

Ezra 8:22

Go hiidinga au ne dogaa i de dangidangi ange gi de hodooligi i hanu daane hebagi, ma hanu daane e kage i honga hoosa, gi buibuia gimaadeu i denga hagadaumee i honga de haiava, i hiidinga gimaadeu ne hai ange gi de hodooligi, “De lima sauaa o demaadeu Maadua i honga olaadeu alodahi e hagadonusia ia, aagai dono sauaa ma dono lili e hai baasi ange gi gilaadeu alodahi e daahuli gee i de ia.”

Psalm 71:14

Aagai au e dee tuu naa donu dagu tali hagalodolodo, ma de hai gi kii ange dagu tuhi goe i masavaa alodahi.