Lamentations 3:19 - De Beebaa Dabu

¹⁹ Au e manadua dogu duasala ma dogu silivaahea saele, de mee mmala ma de hagammau!

Lamentations 3:19 Referans Kwoze

Lamentations 3:15

Ia ne haangai mai au i mee mmala ma de hai gi bosu au i mee mmala.

Lamentations 3:5

Ia gu duuli au ma de haoli au i de hai ngadaa ma de hagaduasala;

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Psalm 132:1

Tagi Maolunga, manadua David i denga hai ngadaa alodahi gu hai ange gi de ia.

Psalm 89:50

De Ia Aamua, koe gi manadua de hagadogaa ina o doo dangada hai hegau, ma de daemaha o ogu lodo i hiidinga hagammae manava a denga huaahenua soa,

Psalm 89:47

Tagi Maolunga, manadua dogu mouli e bodobodo, gai ni haigamaiana aha dau hai dangada alodahi!

De Beebaa go Job 7:7

De Maadua, manadua bolo dogu mouli e bei de madangi o de manava, au e dee ahe ange naa donu e malangilangi.

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

Jeremiah 8:14

⌊Dangada e hagataba,⌋ “Gu aha gidaadeu gu nnoho ai naa donu huu? Gidaadeu ga hagabuni! Gidaadeu ga saavini e mmuni i lodo aduhale buibui ga maakau ai i kilaa! Go hiidinga Tagi Maolunga taadeu Maadua gu baba ange e daa gidaadeu gi maakau ma de gaamai vai hagammau gidaadeu gi unumia, i hiidinga gidaadeu gu haisala ange gi de ia.