Lamentations 3:17 - De Beebaa Dabu

¹⁷ Ogu lodo gu dee baba, au gu ngalo dagodo o de malangilangi.

Lamentations 3:17 Referans Kwoze

Isaiah 59:11

Gimaadeu alodahi e hagangolo bei denga bea, gai e gonogono bei denga manu kono. Gimaadeu ne ssala de hagamodu muna heohi, aagai gimaadeu tee gidee, gimaadeu e tali de hagaola, aagai e mmao gee donu i gimaadeu.

Zechariah 8:10

Laangi i mua, gai e deai donu se dangada e hagao ina tangada aabe go de manu aana e hagahai hegau laa. E deai hogi se dangada e baba ono lodo i dono hano saele, i hiidinga o de hagadaumee, go hiidinga au ne hai gi hagadau hai baasi dangada.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Jeremiah 16:5

Gai e hagadaba Tagi Maolunga, “Aude ulu i de hale o dangada e hinangalosaa ai; aude hano hogi gi dangi aabe gi aloha ange gi gilaadeu, go hiidinga au gu kave gee de nnoho paba, ma dogu lodo aloha, aama dogu abodonu mai daho de huaadangada nei, go Tagi Maolunga e hagadaba.

Jeremiah 14:19

E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Jeremiah 8:15

Gidaadeu ne tali delaadeu nnoho paba, aagai teai donu se mee danuaa ne humai; gidaadeu ne tali dahi masavaa o de hagaieiangi, aagai go de mee hagamaatagu donu huu ne humai.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 38:17

Tilo, ne hanu donu haigamaiana de kona dogu hagaduasala i de mee nei. Koe ne aloha i de au ga daohi dogu mouli mai i de mommee o de gau maakau; koe gu huli ange doo dua gi ogu haisala alodahi.

Psalm 119:155

De hagaola e mmao gee donu i de gau baubau, i hiidinga gilaadeu e dee hai hegau i au muna gu hagasauaa.

De Beebaa go Job 7:7

De Maadua, manadua bolo dogu mouli e bei de madangi o de manava, au e dee ahe ange naa donu e malangilangi.

Genesis 41:30

gai dua naa huu ngadau e hidu laa, gai gu daamada de hidu ngadau o de onge, gai dangada e ngalo naa tau gai laumalie ne hai i honga de henua go Egypt, i hiidinga gu laumalie de onge i honga de henua.

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.