Lamentations 2:8 - De Beebaa Dabu

⁸ Tagi Maolunga gu baba ange e oha de buibui o tamaa hine o Zion. Ia gu dagi de uga haide e haide ai, gai tee hagaahe donu dono lima e oha ai laa. Ia ne hai denga mee hagamakaga i tua de buibui ma denga buibui gi hagaaloha olaadeu dagodo; gai mee nei alodahi gu maoha ma gu daakodo ai.

Lamentations 2:8 Referans Kwoze

2 Kings 21:13

Gai au e haide naa Jerusalem i de uga haide aagu ne haide ai laa Samaria, aama de huaabodu o Ahab. Au e ssolo naa Jerusalem gi bei de hai e ssolo ai laa gi deai mee i dahi gumedi; au e ssolo gi odi mee iai ga huli gi lalo.

Jeremiah 14:2

“Judah e hinangalosaa; ono aduhale gu baageaa; ono dangada gu nnoho i honga de gelegele ma e tangi ai, gai gu kona de tangi o dangada i Jerusalem.

Isaiah 34:11

De owl e loomai naa ga nnoho i kilaa; de owl laumalie ma de raven e nnoho naa hogi i kilaa. Gai de Maadua e dagi naa de uga haide i honga de henua, go de uga e haide ai de hellumi, ma de uga e haide ai de ngadi dagodo o de mommee laa.

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Ezekiel 20:22

Aagai au tee hai mee nei i hiidinga dogu ingoo, gi dee hagangadi mee ina ai au i daho denga huaahenua, go gilaadeu ne gidee dagu hagassao mai gilaadeu.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Lamentations 2:5

De Ia Aamua gu bei dagodo o de hagadaumee; ia gu oha ma de holo Israel. Ia ne holo ono hale danuaa alodahi, ma de oha ono mommee buibui makaga. Ia gu hai gi laumalie de hinangalosaa ma de dangi o tamaa hine o Judah.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

De Beebaa go Job 13:21

aaua gee doo lima e hagaduasala ai nei au, gai aude haia gi madagu au i de goe.

2 Samuel 8:2

Gai ia ne hagadee kii hogi de gau Moab, ga hai gilaadeu gi daakodo gi hagatau i honga de gelegele i e dolu hagataaunga, gai ia ga haide gilaadeu i dahi uga. Dangada alodahi e too ange gi lalo tahi ma de lua haidenga e daa gi maakau, gai dangada e too ange gi lalo tolu haidenga e dugu gi mouli. Gai de gau Moab gu hai hegau ange gi David ma de hagao ange taagisese gi de ia.

Lamentations 2:18

Dangada e tangi ange gi de Ia Aamua i olaadeu lodo. De buibui o tamaa hine o Zion, oo loimada gu bei de vai e sali laa i de laangi ma de boo; koe e dee hagammabu donu, gai oo loimada e dee tuu donu.

Isaiah 22:5

De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.