Lamentations 2:20 - De Beebaa Dabu

²⁰ Tagi Maolunga, galo ange diiloo! Goai ange aau gu hai ange mee nei aagena? E heohi nei de gai a denga haahine alaadeu dama ne haanau, go alaadeu dama nogo tilo danuaa ange? E heohi nei de daa gi maakau o de gau haimeedabu ma denga pelaabisi i lo te mommee dabu o de Ia Aamua?

Lamentations 2:20 Referans Kwoze

Lamentations 4:10

Denga haahine e aaloha laa i alaadeu dama gu boale alaadeu dama ma gu hai ai alaadeu gai, i de masavaa ne hagaduasala ai tamaa hine a ogu dangada.

Jeremiah 19:9

Gai au e hai naa gilaadeu gi gaina kano o alaadeu dama daane ma alaadeu damaa hine. Gai gilaadeu e hagadau gai naa olaadeu kano, i de masavaa o de hebagi, gai olaadeu hagadaumee e duuli de aduhale, ma de nnoho e daa gilaadeu gi maakau.’

Psalm 78:64

Olaadeu dangada haimeedabu ne maakau i de gadilaasa, gai olaadeu bodu tee maua i de tangi.

Lamentations 4:13

Aagai mee nei ne hai i hiidinga haisala o ono pelaabisi aama baubau o de gau haimeedabu, i delaadeu daa ga maakau de gau heohi i lo te aduhale laa.

Deuteronomy 9:26

Gai au ne dalodalo ange gi Tagi Maolunga ga hai ange, “Dogu Ia Aamua go Iahweh, aude daia oo dangada donu gi maakau, go dangada aau ne hagaola ga hagassao mai i Egypt i doo lima sauaa mmahi.

Exodus 32:11

Aagai Moses ne dangidangi ange gi Tagi Maolunga dono Maadua, ga hai ange, “Tagi Maolunga, gu aha gu kona ai naa doo lili i doo huaadangada, aau ne hagassao mai laa i de henua go Egypt, i denga sauaa maolunga ma doo lima mmahi?

Ezekiel 5:10

Denga damana e gai naa alaadeu dama daane i oodou magavaa, gai denga dama daane e gai naa olaadeu damana; gai au e hagamodu naa oodou muna, ga hai gi mavaevae saele dangada e doe gi mommee o henua i lalo alodahi.

Lamentations 4:16

Tagi Maolunga ne hai gi mavaevae saele gilaadeu, ia gu dee anga ange donu gi gilaadeu; de gau haimeedabu gu dee hagadubulia, gai dangada gu dee abodonu ange gi denga dagi.

Lamentations 1:19

Au ne hagahi gilaadeu e balea mai au, gai gilaadeu ne hadu muna mai gi de au. De gau haimeedabu ma denga daane maatua gu daia ma gu maakau i lo te aduhale, i de masavaa alaadeu e ssala ai hanu gai gi dee maakau ai gilaadeu.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Leviticus 26:29

Goodou e daa naa oodou dama daane ma damaa hine ga gai.

Isaiah 22:2

De aduhale hagalongaa, koe se aduhale hakoso e hai ai daonga hagalongaa? Oo dangada maakau tee daia i de gadilaasa, aabe ne maakau i de hebagi.

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

Jeremiah 21:7

Gai dua naa huu mee nei, go Tagi Maolunga e hagadaba, gai au e dugu ange naa de hodooligi o Judah go Zedekiah, ma ono dagi o de hebagi aama dangada tee maakau laa i de mee hagamaakau, be go de gadilaasa aabe go de onge, gi de hodooligi o Babylon go Nebuchadnezzar, aama olaadeu hagadaumee e nnoho laa e daia gilaadeu gi maakau. Gai ia e daa naa gilaadeu i de gadilaasa; ia e dee damaa aloha ange naa donu gi gilaadeu aabe lodo aloha ange gi gilaadeu.’

Ezekiel 9:7

Gai ia ne hai ange gi gilaadeu, “Haia gi dee gilimalali de temple, ma de honu lo te buibui i de gau maakau. Goodou hulo.” Gai gilaadeu ne hulo ga daa gu maakau dangada i lo te aduhale.