Lamentations 2:14 - De Beebaa Dabu

¹⁴ Oo pelaabisi ne gidee denga midi hagaago ange hadu muna ga daahanga ai dangada; gilaadeu tee hagaago adu oo baubau gi hagaahea mai ai goe gi de henua, aagai gilaadeu ne hagassenga goe i denga muna pelaabisi ga dagi gee ai goe.

Lamentations 2:14 Referans Kwoze

Ezekiel 22:28

Gai ono pelaabisi gu hai gi dee iloo hegau baubau nei, i alaadeu midi hagaago ange e dee ni muna abodonu, ma de hadu muna i delaadeu tala mee e loomai. Gilaadeu ne hai ange, ‘E hagadaba de Ia Aamua go Iahweh’; aagai Tagi Maolunga tigi basa ange donu gi gilaadeu.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Zephaniah 3:4

Denga pelaabisi i kilaa e llodo maolunga ma tee hai hegau i de muna abodonu. Ono gau haimeedabu e hagangadi mee denga mee dabu, ma de oha de hainga.

Micah 2:11

Noo tangada hadu muna ma de daahanga dangada e hai adu, “Au e tala pelaabisi bolo koe e lagolago naa au uvaini ma mee mmahi,” gai ia e hai naa go delaadeu dangada agoago.

Ezekiel 13:22

Goodou gu hai ma gu llodo baageaa gilaadeu e heohi i oodou muna hhadu, gai e dee go au donu ne hagadaemaha ina gilaadeu; gai goodou ne hagammahi ange de gau baubau gi dee daahuli gee ai gilaadeu i alaadeu hegau baubau gi mouli ai gilaadeu.

Jeremiah 37:19

I hee iai oodou pelaabisi e pasa pelaabisi laa ma e hai adu, ‘De hodooligi o Babylon e dee humai naa donu e hebagi adu gi goodou aabe go de henua nei’?

Jeremiah 28:15

Gai de pelaabisi go Jeremiah ga hai ange gi de pelaabisi go Hananiah, “Hananiah, e dee go Tagi Maolunga donu ne haia goe gi humai, gai koe gu hai dangada gi hagadonusia hanu muna hhadu.

Jeremiah 23:36

Aagai goodou e dee aahe ange donu e hagataba, ‘Muna hagadaemaha a Tagi Maolunga,’ go hiidinga dangada e tala muna nei e hagadonu ai alaadeu muna donu, ga hagahaisala ai muna a de Maadua e mouli laa, go Tagi o denga hagabuulinga hebagi, taadeu Maadua.

Jeremiah 23:22

Aagai noo gilaadeu ne tuu i mada luoogu mada, gai gilaadeu ne tala ange agu muna gi ogu dangada, ma de hai gilaadeu gi daahuli gee mai i alaadeu dahulinga dee heohi aama mai i alaadeu hegau baubau.

Jeremiah 20:6

Gai koe, Pashhur, ma dangada alodahi i doo hale, e gaavee naa gi dahi henua gee. Koe e hano naa gi Babylon, gai goodou alodahi e maakau naa ga danu i kilaa, go goodou ma oo soa oou ne basa pelaabisi ange gi gilaadeu i de hadu muna.’ ”

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Lamentations 4:13

Aagai mee nei ne hai i hiidinga haisala o ono pelaabisi aama baubau o de gau haimeedabu, i delaadeu daa ga maakau de gau heohi i lo te aduhale laa.

Ezekiel 23:36

Gai Tagi Maolunga ne hai mai gi de au, “Tama a tangada, koe ga hagamodu naa muna o Oholah ma Oholibah? Daalaa ange gi gilaau dagodo o alaau dahulinga hakino gee.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.