Lamentations 2:1 - De Beebaa Dabu

¹ De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Lamentations 2:1 Referans Kwoze

Psalm 132:7

“Gidaadeu ga hulo gi dono mommee e noho ai; gidaadeu ga ino e daumaha i gaogao de mommee e dugu ange aagena luoono vae.”

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.

Luke 10:18

Iesu ne hai ange gi gilaadeu, “Au ne gidee de doo iho o Satan mai i de langi bei dagodo o de uila.

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Ezekiel 30:18

Tahpanhes e gohu naa i de laangi, i de masavaa aagu e hhadi ai de laagau hagahai hegau a Egypt. Gai ono mahi e hagamaolunga ai laa e lilo naa. De hagausinga e haoli naa de henua, gai ono dangada e noonoodia naa ga gaavee gi dahi henua gee.

Psalm 99:5

Hagaamua ina Tagi Maolunga taadeu Maadua, gai ino i gaogao luoono vae daumaha ange gi de ia! Ia e dabu mmao.

Luke 10:15

Gai koe, Capernaum! Koe gu hai gi maolunga goe bei de maolunga o de langi? Gai koe e tili iho naa donu gi Hades.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Lamentations 4:1

Denga goolo gu dee malamalama, denga goolo danuaa gu dagodo gee! Denga hadu dabu gu tili saele, i dege o denga haiava alodahi.

Lamentations 1:1

De aduhale nogo soa laa dangada e nnoho ai gu se mommee e ngadi dagodo! De aduhale maolunga i magavaa o denga huaahenua gu bei dagodo o de hine gu magau dono bodu! De aduhale nogo maolunga ange laa i denga aduhale gu hai ma gu se dangada hai hegau.

Isaiah 64:11

Demaadeu temple dabu ma de mahamaha, go de mommee omaadeu maadua ne tuhi ai goe, gu dudu i de ahi; gai omaadeu goloa hagamogomogo alodahi gu maoha ma e daakodo ai.

2 Samuel 1:19

“De mahamaha o Israel gu maakau ma e daakodo i honga denga mommee maolunga! Denga daane mmahi gu maakau!

1 Samuel 4:21

Gai ia ga hagaingoo ange dana dama daane go Ichabod, ga hagadaba, “Gu deai donu se mahamaha o Israel!”, go hiidinga de ngavesi a de Maadua gu gaavee, gai dono saulaba ma dono bodu gu maakau.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

1 Samuel 4:22

Gai de hine laa ga hagadaba, “De mahamaha gu hano gee mai i Israel, go hiidinga de ngavesi a de Maadua gu gaavee gee.”

Psalm 89:45

Koe ne hai gi moolau dono madumadua; gai koe ne hai gi kona dono dogaa. Selah

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Lamentations 1:12

Dangada e loomai laa ogu gaogao, goodou e dee aanga mai naa donu gi ogu dagodo? Goodou kalo mai diiloo. Gu dahi ange laa hagaduasala bei de hagaduasala, a Tagi Maolunga gu hai mai nei gi de au, i de laangi ne kona ai dono lili?

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Ezekiel 13:13

Deenei ai, e hagadaba de Ia Aamua go Iahweh: Au e hai naa gi ssau mai de madangi mmahi i dogu bole, ma de hai gi pala iho de langi maadolu madali denga duudangaa haisi ga oha ai de buibui laa.