Lamentations 1:9 - De Beebaa Dabu

⁹ Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Lamentations 1:9 Referans Kwoze

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Isaiah 47:7

Koe ne hagadaba, “Au se hine hodooligi ga hano ai e dee ngado mai.” Aagai koe tee hagasaele donu dagodo o mee nei, aabe ne maanadu dagodo o de hagaodi o au hegau.

Lamentations 1:17

Zion ne dangidangi i dahi bale, gai teai se dangada ne hagaaneane ina ange ia. Tagi Maolunga gu hagamodu dagodo o Jacob, bolo dangada i ono gaogao gi kino i de ia; Jerusalem gu bei dahi mee hakino gee i daho dangada alodahi.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Psalm 25:18

Anga mai diiloo dogu duasala ma dogu hai ngadaa, gai degi mai gi ogu haisala alodahi.

Zephaniah 2:10

Deenei delaadeu hagaoanga e sui ange ai delaadeu hagamaolunga, i hiidinga delaadeu hagammae manava ma de hakadanga i dangada o Tagi o denga hagabuulinga hebagi.

Jeremiah 48:26

Haia ia gi unu gi senga, go hiidinga ia gu hagamaolunga i Tagi Maolunga. Haia Moab gi dagodo i lodo ono hagalueia; haia ia gi se mee e hakadanga ai dangada.

Jeremiah 2:34

Oo malo e baalau ai dodo o de gau hagaau aloha tigi haisala; gai koe tee gidee delaadeu ulu e gaiaa mee i doo hale. Aagai e dee galemu donu de hai mee,

Isaiah 3:8

Jerusalem e oha naa ga maoha, gai Judah e hagadee kii ina naa, i hiidinga alaadeu muna ma hegau e hai baasi ange gi Tagi Maolunga, ma de hagangadi mee dono mahamaha.

Psalm 119:153

Galo mai diiloo dogu duasala, gai hagaola ina dogu mouli, i hiidinga au tee ngalo donu au hainga.

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

John 11:19

Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Lamentations 4:1

Denga goolo gu dee malamalama, denga goolo danuaa gu dagodo gee! Denga hadu dabu gu tili saele, i dege o denga haiava alodahi.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Jeremiah 16:7

E deai donu se dangada e gaavange hanu gai e hagaaneane ange ai gilaadeu e hinangalosaa i de gau maakau — dangada e dee hagaaneane hogi gilaadeu i magau o delaadeu damana aabe go delaadeu dinana.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Isaiah 54:11

De aduhale gu hagaduasala ina, ma de oohaa i de madangi, gai tee hagaaneane ina, tilo, au e ahe ange naa e bae age goe i hadu hagamogomogo, ma de hagadagodo oo dagelo i denga sapphire.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 37:29

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 37:17

Tagi Maolunga, hagadaahuli ina mai luoo dalinga ma gi hagalaangona; Tagi Maolunga, huugea mai luoo mada ma gi diiloo; gai hagalaangona muna alodahi a Sennacherib, gu hagailoo mai e hagangadi mee ai de Maadua e mouli laa.

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Psalm 140:8

Tagi Maolunga, aude dugua ange gi bei lodo o tangada baubau; aude dugua ange gi ssula ana hagatau baubau! Selah

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

2 Kings 14:26

Gai Tagi Maolunga gu gidee bolo de gau Israel gu kona mmao delaadeu duasala, gai gu deai donu se dangada hai hegau aabe se dangada ilaage i olaadeu magavaa tigi hagaduasala, gai gu deai donu hogi dangada e balea ange gilaadeu.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

Deuteronomy 32:27

aagai au e madagu i muna hagammae manava a de hagadaumee, kana dee tonu ange denga hagadaumee, ga hagataba, ‘Gimaadeu ne kii i omaadeu mahi donu; e dee go Tagi Maolunga donu ne haia mee nei.’ ”

Deuteronomy 26:7

Gai gimaadeu ga tangi ange gi Tagi Maolunga, de Maadua o omaadeu dubuna madagidagi, gai ia ne langona demaadeu tangi ma de gidee demaadeu duasala, ma amaadeu hegau, aama demaadeu vaivai haia.

Exodus 4:31

Deelaa ai, dangada alodahi gu hagadonusia alaau muna. Gai ga langona huu e de gau Israel bolo Tagi Maolunga gu humai donu ma gu gidee e ia olaadeu hagaduasala, gai gilaadeu ga ino ga daumaha ange gi de ia.

Exodus 3:17

Gai au e hagatoo donu bolo au e hagassao mai naa donu goodou i lalo de hagaduasala a de gau Egypt, e kave goodou gi de henua o de gau Canaan, ma de gau Heth, ma de gau Amor, ma de gau Perez, ma de gau Hiv, aama de gau Jebus, se henua iai vai uu ma hooni lagolago.’

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Psalm 69:21

Gilaadeu ne gaavange mee hagammau gi lodo agu gai, ma de hagaunu au i denga mee mmala.

Isaiah 51:19

E lua mee hai ngadaa gu hai adu gi de goe — gai goai naa e hagaaneane ina goe? Koe gu oohaa ma gu ngadi dagodo, i de onge ma de gadilaasa — gai goai naa donu e hagaaneane ina goe?

Lamentations 5:1

Tagi Maolunga, aude ngalo mee gu hai mai gi gimaadeu; galo mai ma gi diiloo, gimaadeu gu hagangadi mee ina!