Lamentations 1:20 - De Beebaa Dabu

²⁰ Tagi Maolunga, galo mai diiloo, au gu duasala mmao! Au gu daemaha mmao, gai ogu lodo gu dee baba i hiidinga au ne kona mmao de hai dagu hai. De gadilaasa e daa denga dama i duaahaho; gai de magau gu dagodo hogi i lodo.

Lamentations 1:20 Referans Kwoze

Lamentations 2:11

Luoogu mada gu hhua i dogu dangi, gai gu dee baba ogu lodo; ogu lodo gu kona mmao de hinangalosaa i hiidinga ogu dangada gu maakau, gai denga gauligi ma gaagaa gu hiikai i honga denga haiava o de aduhale.

Ezekiel 7:15

De gadilaasa i tua de aduhale, gai de mee hagamaakau ma de onge i lo te aduhale; tangada i tua de aduhale e daia naa ga magau i de gadilaasa, gai tangada i lo te aduhale e magau naa i hiidinga o de onge ma de mee hagamaakau.

Isaiah 16:11

Deenei ai, au gu dangi bei de harp i hiidinga o Moab, ogu lodo gu dangi i hiidinga o Kir Hareseth.

Deuteronomy 32:25

De gadilaasa e daa ga maakau dangada i duaahaho, gai de mee hagamaatagu gu dagodo i lodo, ange gi denga dama daane ma denga damaa hine, denga gaagaa ma de gau madumaatua.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

De Beebaa go Job 30:27

Ogu lodo e duasala mmao, e deai donu se mabu; laangi o de sae gu tuu mai gi de au.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Lamentations 1:11

Ono dangada alodahi gu duasala i delaadeu hulo ga ssala alaadeu gai. Gilaadeu ne hagahesuihagi olaadeu goloa hagamogomogo i hanu gai, gi dee maakau ai gilaadeu. “Tagi Maolunga, galo mai diiloo dagodo o dogu hagangadi mee ina.”

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Jeremiah 48:36

Gai ogu lodo e dangi i Moab bei de ili o de flute; ogu lodo e dangi i dangada o Kir Hareseth bei de ili o de flute. Go hiidinga olaadeu goloa lagolago gu dee maaleva.

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Jeremiah 3:13

Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Jeremiah 2:35

gai koe e hagadaba, ‘Au tigi haisala donu; ia e dee lili donu i de au.’ Tilo, au e hagaduasala naa goe i hiidinga koe e hagadaba, ‘Au tigi haisala donu.’

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Proverbs 28:13

Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Psalm 22:14

Au gu bei denga vai gu llingi laa, ogu ivi alodahi gu ngaalue; ogu lodo gu bei dagodo o de candle, gu odi laa i de vaivai.

De Beebaa go Job 33:27

Gai ia e daahili naa i madamada o dangada, ga hai ange, ‘Au gu haisala, au gu hano gee i de mee heohi, aagai de Maadua tee hagaduasala donu au.

Psalm 38:8

Au gu baageaa ma tee vaangalue; gai au gu gonogono i hiidinga taemaha o ogu lodo.

Jeremiah 14:20

Tagi Maolunga, gimaadeu e tala adu donu omaadeu baubau, ma baubau o omaadeu dubuna madagidagi, go hiidinga gimaadeu gu haisala adu donu gi de goe.

Lamentations 1:8

Jerusalem gu kona mmao de haisala, gai de aduhale gu dee gilimalali. Dangada alodahi nogo hagadubu ina laa ia gu kino i de ia, go hiidinga gilaadeu gu gidee dono gilisau; gai de aduhale gu gonogono, ma de huli gee luoono mada.

Daniel 9:5

Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!