Lamentations 1:15 - De Beebaa Dabu

¹⁵ De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Lamentations 1:15 Referans Kwoze

Malachi 4:3

Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.

Isaiah 63:3

“Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Isaiah 28:18

Doodou hagatoo donu hagaheloongoi madali de magau e hagadeai naa; doodou hagaheloongoi ne hai madali de mommee o de gau maakau e dee sula naa donu. Gai de masavaa naa huu e dae mai ai de hai ngadaa laumalie, gai goodou e dee pau ange donu aagena.

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Hebrews 10:29

Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Daniel 3:13

Gai Nebuchadnezzar gu lili mmao, ga hagadaba bolo gi gaamai Shadrak, ma Meshak, aama Abednego. Gai gu gaamai denga daane laa gi mada i mua o de hodooligi,

Lamentations 3:34

De vaivai haia o dangada alodahi i lo te hale pono i henua i lalo,

Jeremiah 51:34

⌊Dangada o Jerusalem e hagataba,⌋ “De hodooligi o Babylon go Nebuchadnezzar gu holo gimaadeu, ia gu hai gi ssenga ange gimaadeu, ia gu hai gimaadeu bei de ssaa gu deai mee i ono lodo. Ia gu holo gimaadeu bei dahi manu hagamaatagu, ma de hhao dono dinae i agu gai mammami, ga lava ga luei mai gimaadeu.”

Jeremiah 50:26

Loomai i mommee mmao hebagi ange gi de henua laa; oohaa ono mommee e hhao ai grain; hagabudubudu ina age Babylon bei denga hagabuudungaa grain. Oohaa de henua alodahi, e dee dugu donu dahi dangada daudahi.

Jeremiah 37:10

Gai e dee galemu naa donu noo goodou gu maua i de hagadee kii de hagabuulinga hebagi, o de gau Babylon e hebagi adu naa gi goodou, gai go alaadeu daane lagolagohia donu huu e doe i lodo olaadeu hale malo, gai gilaadeu e loomai naa donu ga dudu de aduhale nei.”

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Jeremiah 14:17

Daalaa ange muna nei gi gilaadeu: ‘Luoogu mada gu dee tuu donu de honu malingilingi i denga loimada i de laangi ma de boo; go hiidinga tamaa hine — go ogu dangada — gu hagailia gai dono maanuga e kona.

Isaiah 41:2

Goai ne hai gi humai dahi i dua, ma de hagahi ia gi haia ana hegau i dono heohi? Ia ne gaavange denga huaahenua gi de ia, ma de hagadee kii denga hodooligi i ono mada i mua. Ia e hai gilaadeu gi bei de mama o de gelegele i dana gadilaasa, gai dana mee hholu e hai gilaadeu bei de mama a de madangi e ili laa ga kave.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Psalm 119:118

Koe e kino i gilaadeu alodahi e hagahaisala i au muna gu hagasauaa; gai alaadeu hagatau hadu muna e deai olaadeu haigamaiana.

2 Kings 9:33

Gai ia ga hai ange, “Magaa ina iho de hine naa gi lalo!” Gai gilaadeu ga maga iho ia gi lalo, gai hanu ono dodo gu ssii ange gi de baasi o de hale aama denga hoosa laa, gai denga hoosa laa ne dagadagahi ia.

Judges 10:8

gai gilaadeu ga vaivai hai ma de hagaduasala de gau Israel. Gai ne madaangahulu ma valu ngadau alaadeu ne vaivai hai ai de gau Israel alodahi, i baasi dua o Jordan i Gilead, i de henua o de gau Amor.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Jeremiah 6:11

Aagai au gu honu i de bole o Tagi Maolunga, au gu dee maua i de golomagi dogu bole. ⌊Gai e hagadaba Tagi Maolunga,⌋ “Haia gi hano iho lili gi denga gauligi i honga de haiava, ma denga dama daane gu hagabuni laa; gai e duu ange naa hogi gi taane ma dono bodu, ma de gau maatua, aama de gau madumaatua.

Jeremiah 13:24

“Au e hagasii saele naa goodou bei gili o denga grain e ilihia saele laa i de madangi mai i de vao.

Joel 3:13

Hagaabo ina de kamaa, go hiidinga denga huamanu gu lleu. Hannoo, dagadagahia denga grape, i hiidinga gu honu de mommee e kumi ai uvaini, gai mommee hhao uvaini gu honu malingilingi — olaadeu baubau gu lagolago mmao!

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.