Lamentations 1:14 - De Beebaa Dabu

¹⁴ Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Lamentations 1:14 Referans Kwoze

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Deuteronomy 28:48

deenei ai, koe e hai hegau ange naa gi oo hagadaumee, go dangada a Tagi Maolunga e gaamai gi hagadee kii ina goe, i doo hiigai ma doo hieunu ma teai oo malo, aama de hagaau aloha i mee alodahi. Ia e hagauda adu naa de laagau hagahai hegau e hai i baalanga, gi honga doo eu, ga dae ai gi dana daa goe ga maakau.

Ezekiel 25:7

deenei ai, au e hagaabo naa dogu lima e hai baasi adu ai gi de goe, ma de dugu ange denga huaahenua gi gaavee oo goloa. Au e aau gee naa goe mai i daho denga huaahenua, ma mai i magavaa o denga henua. Au e oha naa goe, gi iloo ai e goe bolo go au donu go Iahweh.’

Ezekiel 25:4

deenei ai, tilo, au e gaavange naa doodou henua gi de gau i baasi dua gi henua ai. Gilaadeu e loomai naa ga hagatuu olaadeu mommee nnoho gaainga, ma olaadeu hale malo ga nnoho ai i oodou magavaa; gilaadeu e gai naa oodou huamanu, ma de unu oodou vai uu.

Jeremiah 28:14

Gai e hagadaba Tagi o denga hagabuulinga hebagi, de Maadua o Israel: Au e hagauda ange de mee hagahai hegau e hai i baalanga gi honga eu o denga huaahenua nei alodahi, ga hai gilaadeu gi hai hegau ange gi Nebuchadnezzar, de hodooligi o Babylon. Au e hai naa hogi ia gi dagina denga manu dolodolo i lodo henua.”

Proverbs 5:22

Hegau baubau a tangada baubau e gidee mai naa donu, gai ia e noodia ma e makaga i ono haisala.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Ezekiel 23:28

Gai e hagadaba de Ia Aamua go Iahweh: Tilo, au e dugu ange naa goe gi ssauaa o dangada oou ne kino ai laa, ma gilaadeu aau gu tili laa i doo kino ai.

Ezekiel 21:31

Au e hagaduasala naa goe i dogu bole ma de hai baasi adu gi de goe i de kona dogu bole; au e dugu ange naa goe gi de gau alasala, go dangada e aabo i de oha mee.

Ezekiel 11:9

Gai au e hagassao mai naa goodou i lo te aduhale nei, ga gaavange gi de gau henua gee e hagaduasala ai goodou.

Jeremiah 37:17

Gai de hodooligi go Zedekiah ga hai hanu gi hulo gi daangia age ia gi gaamai gi ono daha. Gai de hodooligi ne ssili hagammuni ange gi Jeremiah i dono hale, ga hai ange, “Gu hanu naa muna aau ne langona mai i daho Tagi Maolunga?” Gai Jeremiah ne hai ange, “Gu hanu! Koe e boogia naa ga gaavange gi de hodooligi o Babylon.”

Jeremiah 32:5

Gai ia e kave naa Zedekiah gi noho i Babylon ga dae ai gi dagu hagaduasala ia i kilaa, go Tagi Maolunga e hagadaba. Gai ga hebagi ange naa donu goodou gi de gau Babylon, gai goodou e dee kii donu.’ ”

Jeremiah 27:12

Au ne tala ange hogi muna nei gi Zedekiah, de hodooligi o Judah, ma gu hai ange, “Koe gi noho i lalo ssauaa o de hodooligi o Babylon, ga hai hegau ange ai gi de ia ma ono dangada, gi mouli ai goe!

Jeremiah 27:8

Gai noo dahi huaahenua be se nohoanga hodooligi e dee hai hegau ange gi Nebuchadnezzar, de hodooligi o Babylon, aabe e dee nnoho i lalo dono sauaa, gai au e hagaduasala naa de huaahenua laa i de gadilaasa, ma de onge, aama de mee hagamaakau, go Tagi Maolunga e hagadaba, ga dae ai gi dagu hai ia gi oohaa de huaahenua laa alodahi.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Isaiah 14:25

Au e hagadee kii naa de gau Assyria i dogu henua; gai au e dagadagahi naa Assyria i honga ogu mounga. Gai dana laagau hagahai hegau e aau gee naa i honga ogu dangada, dana mee hagauda daemaha e aau gee naa i honga olaadeu eu.”

Jeremiah 28:13

“Hannoo daalaa ange gi Hananiah, hai ange: E hagadaba Tagi Maolunga: Koe ne hhadi dahi mee hagahai hegau e hai i laagau, aagai koe e hagauda naa dahi mee hagahai hegau e hai i baalanga.

Jeremiah 32:3

Gai Zedekiah, de hodooligi o Judah gu hhao Jeremiah gi lo te hale pono i kilaa, ga hai ange, “Gu aha gu basa pelaabisi ai naa goe e hai mai, ‘E hagadaba Tagi Maolunga: Au gu dai dugu ange naa de aduhale nei gi de hodooligi o Babylon gi hagadee kii ina.

Micah 2:3

Deenei ai, e hagadaba Tagi Maolunga: “Tilo, au e hagaduasala naa de aamuli e haia hegau nei, gai goodou e dee maua naa donu i de hagaola goodou. Goodou e dee maua naa hogi i de seesee hagamaolunga saele, go hiidinga go de masavaa o de hai ngadaa.