Judges 7:2 - De Beebaa Dabu

² Gai Tagi Maolunga ga hai ange gi Gideon, “Gu gona odi de soa daane madali goe, gai au ga dugu adu ai au goodou gi hagadee kii ina de gau Midian, gi dee duuhia ai donu huu e de gau Israel gilaadeu, ga dee hagadubu ai au.

Judges 7:2 Referans Kwoze

Deuteronomy 8:17

Gai gi dee hagataba ai goodou i oodou lodo, “Go omaadeu mogomogo donu ma omaadeu mahi amaadeu ne mau ai nei omaadeu lava.”

2 Corinthians 4:7

Aagai de mee hagamogomogo nei e hhao i lodo ssaa e hai i bela pigi, e hagaago mai ai bolo ssauaa e dubu ange laa i mee alodahi se mee mai i daho de Maadua, e dee se mee mai i odaadeu.

Romans 11:18

gai koe gi dee hagadaba bolo koe e maolunga ange i denga laa ange laa. Noo koe e lodo maolunga, gai koe gi manadua: e dee go koe e daohia age denga aga, aagai go denga aga e daohia age goe.

Ephesians 2:9

e dee go hiidinga o oodou hegau, gi deai ai se dangada e maua i de tala tuhi donu huu ia.

Zechariah 12:7

Gai Tagi Maolunga e hagaola naa denga mommee nnoho o Judah i mua, gi dee laumalie ange ai de hagadubu o de aamuli o David ma dangada e nnoho i Jerusalem, i de hagadubu o Judah.

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Ezekiel 28:17

Koe ne lodo maolunga i hiidinga doo tilo danuaa, gai koe ne oha doo heiangi i hiidinga doo mahamaha. Gai au ne tili iho goe gi henua i lalo; au ne hai goe gi se mee hagakana niio denga hodooligi.

1 Samuel 14:6

Gai Jonathan ne hai ange gi tama daane e sabaia laa ono goloa hebagi, “Humai, gidaau ga hulo gi de mommee o denga hagabuulinga hebagi o dangada e dee tuu dagaholiage; kana adu Tagi Maolunga e bale mai naa gidaau, go hiidinga e deai donu se mee daudahi e maua i de buibui Tagi Maolunga i de hagaola, e dee hilihili be ni dangada soa aabe ni dangada sogoisi.”

Deuteronomy 32:27

aagai au e madagu i muna hagammae manava a de hagadaumee, kana dee tonu ange denga hagadaumee, ga hagataba, ‘Gimaadeu ne kii i omaadeu mahi donu; e dee go Tagi Maolunga donu ne haia mee nei.’ ”

Romans 3:27

Gai e maua ai naa e gidaadeu i de tuhi donu huu gidaadeu? E dee maua donu! Gai dee hee ai naa de hainga odaadeu e daudali ai? Go de hainga o denga hegau? E deai, go de hainga o de gai.

Habakkuk 1:16

Deenei ai, ia e hai ange naa sigidaumaha gi dana galauna ma de dudu denga mee maanongi ange gi dana gubenga, i hiidinga ia e mouli danuaa i dana galauna, ma de gai denga gai mammami hugadoo.

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Isaiah 10:13

Go hiidinga ia ne hagadaba, ‘Au ne maua i de hai mee nei i ogu mahi donu ma dogu iloo mee, go hiidinga de dahi ogu donu ange. Au ne aau gee goinga o denga huaadangada, ma de kave olaadeu goloa hagamogomogo; au ne hagadee kii gilaadeu e nnoho i kilaa bei dagodo hegau a dahi kaau daane.

2 Chronicles 14:11

Gai Asa ga dalodalo ange gi Tagi Maolunga dono Maadua, ga hai ange, “Tagi Maolunga, e deai ange donu e bei oo dagodo, koe e bale ange tangada baageaa e hebagi ange ai gi tangada mmahi. Tagi Maolunga, demaadeu Maadua, balea mai gimaadeu, go hiidinga go koe demaadeu tali, gai gimaadeu ne loomai e hebagi ange gi de hagabuulinga hebagi soa nei i doo ingoo. Tagi Maolunga, go koe demaadeu Maadua; aude dugua ange dahi dangada gi kii i de goe.”

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Deuteronomy 8:18

Goodou hagamaanadu go Tagi Maolunga doodou Maadua, ne gaavadu oodou mahi ne maua ai nei e goodou oodou lava; gai ia ga hagasula ai dana hagatoo donu hagaheloongoi gu hagatoo donu ange ai laa gi oodou dubuna madagidagi, bei de hai oodou gu gide ai naa anailaa nei.

Genesis 46:2

Gai de Maadua ne hakide ange gi Israel i de midi i de boo laa, ga hai ange, “Jacob, Jacob.” Gai ia ga hai ange, “Deenei au.”

Numbers 31:4

Gai haia gi hulo e mano daane mai i dahi aamuli o Israel gi de hebagi.”