Judges 6:5 - De Beebaa Dabu

⁵ Gai gilaadeu e loomai ma alaadeu manu haangai ma olaadeu hale malo. E soa gilaadeu ne loomai bei de lagolago o de hagabuulingaa itebuubuu; gai gilaadeu ma alaadeu gamelo e dee maua donu hogi i de dau. Deelaa ai, gilaadeu ne oha mee i honga de henua i de masavaa olaadeu ne loomai ai.

Judges 6:5 Referans Kwoze

Judges 7:12

Gai de gau Midian ma de gau Amalek, aama dangada alodahi mai i baasi dua e nnoho saele i lo te geelonga, gai gilaadeu e soa bei dagodo o denga itebuubuu lagolago mmao. Gai alaadeu gamelo e dee maua i de dau, bei denga gelegele i gabugabu tai.

Judges 8:10

De masavaa laa gai Zebah ma Zalmunna ma olaau hagabuulinga hebagi e nnoho i Karkor, gai se 15,000 donu huu daane e doe i de hagabuulinga hebagi i baasi dua; gai e 120,000 daane e hebagi laa i de gadilaasa gu maakau.

Jeremiah 49:32

Alaadeu gamelo e hai naa ga ni goloa e maua i de hebagi, alaadeu manu haangai lagolago e duha naa. Au e hai naa gilaadeu e dahi baasi o olaadeu biho gi mavaevae saele gi denga mommee mmao, ma de hai gi hai ngadaa gilaadeu i mommee alodahi, go Tagi Maolunga e hagadaba.

Jeremiah 49:29

Olaadeu hale malo ma alaadeu ssiibi e gaavee gee naa, olaadeu malo buibui ma olaadeu goloa alodahi ma alaadeu gamelo e gaavee gee naa. Gai dangada e oo naa, ga hai ange, ‘Denga mee hagamaatagu gu hai i mommee alodahi!’

Jeremiah 46:23

Gilaadeu e sele iho naa denga manu i lodo henua, go Tagi Maolunga e hagadaba, e dee galemu donu e kona de muimui de lodo henua laa, go hiidinga gilaadeu e soa ange i denga itebuubuu lagolago, gai e dee maua i de dau gi iloo daelodo.

Isaiah 60:6

Denga hagabuulingaa gamelo e loomai naa ga hhao honga de henua, go gamelo gauligi a Midian ma Ephah. Gai dangada alodahi mai i Sheba e loomai naa; gilaadeu ga gaamai denga goolo ma mee maanongi, ma de tala de tuhi o Tagi Maolunga.

Isaiah 13:20

Gai e deai naa donu dangada e nnoho ai i denga atangada e loomai; e deai hogi se dangada Arab e hagaduulia dono hale malo i kilaa, aabe ni dangada hagaloosi ssiibi e haia alaadeu hagabuulingaa ssiibi gi hagammabu i kilaa.

Song of Songs 1:5

Denga damaa hine o Jerusalem, au e uliuli, gai e mahamaha, bei denga hale malo o Kedar, ma denga malo buibui o Solomon.

1 Samuel 30:17

Gai David ma ono daane ne daa gilaadeu ga maakau, mai i boo taiao gohugohu ga dae ai gi de ahiahi o de laangi i ono dua; teai donu se gilaadeu ne ola, gai se haalau donu huu daane ne kage i honga denga gamelo ga saavini ga hulo.

Judges 8:21

Gai Zebah ma Zalmunna ga hai ange gi Gideon, “Go koe donu e daia gimaau gi maakau; go taane donu huu e maua i de hai de hegau nei.” Gai Gideon ga daa luu hodooligi laa gu maakau ga kave denga mee hagalaagii e dau i ua o alaau gamelo.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Jeremiah 51:14

Tagi o denga hagabuulinga hebagi gu hagatoo donu i dono ingoo: Ni muna abodonu, au e hhao naa de henua i dangada soa bei de lagolago o denga itebuubuu, gai gilaadeu e oo naa i delaadeu kii i de goe.