Judges 6:4 - De Beebaa Dabu

⁴ Delaadeu mee e hai go de loomai ga hagaduu delaadeu mommee nnoho gaainga i kilaa ga oha ai hua o alaadeu veelenga, ga hano ai ga dae gi gaogao o Gaza. Gilaadeu tee hagadoe donu hanu gai i Israel, teai hogi ssiibi be ni kaau aabe ni donkey.

Judges 6:4 Referans Kwoze

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Deuteronomy 28:51

Gilaadeu e loomai naa ga kave au manu haangai ma hua o manu ssomo i honga doo gelegele, ga dae ai gi delaadeu oha goe. Gai gilaadeu e dee dugu adu naa hanu hua grain maau, be ni uvaini, be ni lolo, aabe go hanu dama a au kaau be go dama a au ssiibi, ga dae ai gi delaadeu oha goe.

Micah 6:15

Koe e doo naa au manu, aagai e dee go koe e hagihagia; koe e kumi naa lolo o denga olive, aagai e dee go koe e hai mee ai, koe e dagadagahi naa denga grape, aagai e dee go koe e unumia uvaini e maua ai.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Proverbs 28:3

Tagi e vaivai haia laa de gau hagaau aloha, e bei de langi maadolu e haia laa ga deai gai.

Genesis 13:10

Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 10:19

Gai de henua o de gau Canaan ne hano gi Sidon gai e dae gi Gerar, gai e hano hogi ga dae gi Gaza ma Sodom ma Gomorrah, ma Admah, ma Zeboiim, gai e ngado mai i Lasha.

Obadiah 1:5

Noo de gau gaiaa gu loomai, noo de gau daa dangada gu loomai i de boo — gai se hai ngadaa laumalie e duu i de goe! — e aha, gilaadeu e dee gaiaa naa donu huu alaadeu mee e llodo ai? Noo de gau hagihagi grape gu loomai, e aha, gilaadeu e dee dugu naa hanu momo grape?

Judges 6:3

Gai de masavaa naa huu a de gau Israel e doo ai alaadeu veelenga, gai de gau Midian ma de gau Amalek, aama dangada i baasi i dua ga loomai ga hebagi ange gi gilaadeu.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.