Judges 5:7 - De Beebaa Dabu

⁷ Denga aduhale o Israel gu ngadi daakodo, gu ngadi daakodo ga dae ai gi dogu dae mai, au go Deborah, ga hai ai tinana o Israel.

Judges 5:7 Referans Kwoze

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

2 Samuel 20:19

Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”

Romans 16:13

Dagu hagaboo ange gi Rufus, go taane hagadubu i lodo o Tagi Maolunga, aama ange hogi gi dono dinana gu se dinana laa hogi niiogu.

Esther 9:19

Deelaa ai, de gau Ssuu e nnoho laa i denga aduhale vaaligiligi ma aduhale e dee buibui, ne dao de madaangahulu ma haa laangi o de malama go Adar, ga hai gi se laangi niiolaadeu e daonga ai ma de malangilangi, aama de duha ange gai gi dangada.

Judges 5:6

De masavaa o Shamgar, tama daane a Anath, ma de masavaa o Jael, gai gu deai e seesee i denga haiava nnui; dangada gu seesee saele i denga dao haiava.

Judges 5:8

De masavaa ne hili ange ai denga maadua hoou, gai de hebagi gu dae mai gi de henua. Gu deai mee hungihungi be se dao e gidee i daho e haasemada daane hebagi o Israel.