Judges 5:6 - De Beebaa Dabu

⁶ De masavaa o Shamgar, tama daane a Anath, ma de masavaa o Jael, gai gu deai e seesee i denga haiava nnui; dangada gu seesee saele i denga dao haiava.

Judges 5:6 Referans Kwoze

Isaiah 33:8

Denga haiava nnui gu ngadi daakodo, gu deai dangada e hulo saele i honga denga haiava. Gai de hagatoo donu hagaheloongoi gu maoha, denga aduhale gu hagangadi mee ina; gai gu deai donu se hagadubu o dangada.

Judges 3:31

Gai ono dua go Shamgar, tama daane a Anath, deenei taane ne daia ga maakau e onolau daane Philistia i dahi laagau kangi; gai ia ga hagaola ai de gau Israel.

Lamentations 1:4

Denga haiava e hulo laa gi Zion gu hinangalosaa, go hiidinga gu deai dangada e loomai gi denga daonga gu hagailonga laa. Haitoga alodahi o de aduhale gu deai dangada iai, ono gau haimeedabu gu tangi; denga bua mmoe gu daemaha olaadeu lodo, gai Zion gu duasala mmao.

Leviticus 26:22

Au e hai naa gi loomai denga manu alasala gi oodou magavaa, gai gilaadeu ga daa ai oodou dama ma oodou kaau, ma de hai goodou gi sogoisi, gai oodou haiava gu deai naa dangada e seesee ai.

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Lamentations 4:18

Gilaadeu e hagabaa gimaadeu, gimaadeu gu dee maua i de seesee i honga haiava. Gu baa mai de hagaodi o omaadeu mouli; omaadeu laangi gu sogoisi, go hiidinga gu odi donu omaadeu laangi.

Psalm 125:5

Aagai gilaadeu e haia hegau dee heohi, Tagi Maolunga e alualu naa gilaadeu gi hulo madali dangada e haia de baubau. De baba gi dagodo i Israel!

2 Chronicles 15:5

De masavaa laa gai dangada gu dee nnoho paba, go hiidinga gu lagolago hai ngadaa e hagaduasala ina dangada i honga denga henua.

Judges 5:7

Denga aduhale o Israel gu ngadi daakodo, gu ngadi daakodo ga dae ai gi dogu dae mai, au go Deborah, ga hai ai tinana o Israel.

Jeremiah 6:25

Goodou aude ssao gi hulo gi tua de aduhale aabe gi seesee i honga denga haiava, go hiidinga de hagadaumee e poo dana gadilaasa, gai gu hagamaatagu mommee alodahi.