Judges 5:5 - De Beebaa Dabu

⁵ Denga mounga gu ngalungaalue i mada luu mada o Tagi Maolunga, Sinai gu ngalungalue hogi i mada luu mada o Tagi Maolunga, de Maadua o Israel.

Judges 5:5 Referans Kwoze

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.

Hebrews 12:18

Goodou tee loomai gi de mounga e maua laa i de poo ange aagena, ma de ula ai de ahi, ma de gohu boo dangodango, ma de gohugohu ma de madangi mmahi,

Habakkuk 3:10

denga mounga ne bolebole i delaadeu gidee goe. Denga vai gu ssali iho; de moana gelo gu hagangolo gai ono beau gu kona de nnui.

Psalm 68:8

gai henua i lalo gu ngalungalue, de langi gu hai gi pala iho de langi, i mada i mua o de Maadua, de Maadua o Sinai, i mada i mua o de Maadua, de Maadua o Israel.

Psalm 114:4

Denga mounga ne llele saele bei denga ssiibi daane; denga duuduu ne llele saele bei denga ssiibi gauligi.

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Psalm 104:32

henua i lalo e bolebole, i dono galo ange aagena; denga mounga e buu ai de useahi, i dono poo ange aagena.

Psalm 68:9

De Maadua, koe ne hai gi kona de bala de langi; koe ne hagammahi de henua o doo boolonga i de masavaa ne baageaa ai.

Isaiah 63:19

Gimaadeu gu bei donu dangada e dee go koe ne dagina i mua loo; gai gu bei dangada e dee hagaingoo i doo ingoo.