Judges 4:4 - De Beebaa Dabu

⁴ De masavaa laa gai go Deborah, de hine pelaabisi, de bodu o Lappidoth e dagina de gau Israel.

Judges 4:4 Referans Kwoze

Luke 2:36

Gai e dahi hogi hahine pelaabisi, dono ingoo go Anna, se damaa hine nii Phanuel, mai i de aamuli o Asher. Ia gu madumadua i de masavaa laa, gai ia ne hai bodu ange gi dahi daane i e hidu ngadau, mai i de masavaa oona se bua moe ai, gai dono bodu ga magau,

2 Kings 22:14

Gai tangada haimeedabu go Hilkiah, ma Ahikam, ma Acbor, ma Shaphan aama Asaiah, ne hulo gi pasa ange gi de pelaabisi go Huldah, de bodu o Shallum, tama daane a Tikvah, tama daane a Harhas, go taane e doange ina denga malo. Gai de hine laa e noho i de lua vaaenga i Jerusalem.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

1 Corinthians 11:5

gai de hine e dalodalo aabe e basa pelaabisi gai e dee haoli dono biho e dee hagadubu de biho, go dono bodu, gai e bei donu ia gu lava i de dahi gi malali dono biho.

Acts 21:9

Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.

Micah 6:4

Au ne hagassao mai goe i de henua go Egypt, ma de hagaola goe mai i de henua oou nogo hagahai hegau hagaduasala ina ai. Au ne hai Moses gi hanadu gi dagina goodou madali Aaron ma Miriam.

Nehemiah 6:14

Dogu Maadua, koe gi hagamaanadu i hegau baubau a Tobiah ma Sanballat ne hai, ma Noadiah, de hine pelaabisi, aama denga pelaabisi alodahi ne llodo laa e hagamadagu au.

Judges 4:3

Gai de gau Israel ne tangi ange gi Tagi Maolunga gi balea ange gilaadeu; go hiidinga Jabin e sivalau ono hada hebagi e hai i iron, gai ne kona dana vaivai hai de gau Israel i e madalua ngadau.

Judges 4:5

Ia ne noho i lalo de palm o Deborah i magavaa o Ramah ma Bethel, i de mommee iai mounga o Ephraim. Gai de gau Israel ne loomai gi ono daha, gai ia ga hagamodu ai olaadeu muna.

Ezekiel 13:17

Gai koe, tama a tangada, hai baasi ange gi denga haahine i daho oo dangada e pasa pelaabisi laa donu huu i alaadeu maanadu. Basa pelaabisi hai baasi ange gi gilaadeu,

Judges 5:1

Gai Deborah ma Barak, tama daane a Abinoam ne daahili i de laangi laa, ga hagataba: