Judges 4:23 - De Beebaa Dabu

²³ De laangi laa gai de Maadua ne bale ange de gau Israel ga hagadee kii ai Jabin, de hodooligi o Canaan.

Judges 4:23 Referans Kwoze

Psalm 18:47

Go ia de Maadua e suuia ange mee gu hai mai gi de au, ma de hai denga huaahenua gi nnoho i ogu lalo.

Nehemiah 9:24

Gai olaadeu hagadiilinga ne hulo ga kave de henua laa. Gai koe ne dugu ange gilaadeu gi hagadee kii ina dangada nogo nnoho i de henua laa, go de gau Canaan, ga hai gilaadeu ma olaadeu hodooligi, aama denga huaadangada o de henua laa gi hai hegau ange gi gilaadeu, ma de hai be ni aha alaadeu e llodo e hai ange gi gilaadeu.

Hebrews 11:33

Go de gai ne haia ga maua e gilaadeu i de hagadee kii denga nohoanga hodooligi, ma de hagamodu muna i de heohi, ma de kave mee gu lava laa i de hagatoo donu; gilaadeu ne pono ngudu o denga laiono,

1 Corinthians 15:28

Gai dana masavaa naa huu e dugu ange ai mee alodahi gi lalo o Tama, aagai Tama e noho naa hogi i lalo o Tamana, go de ia ne dugua ange mee alodahi gi de ia; gai de Maadua ga dagi ai mee alodahi hugadoo.

Psalm 81:14

E moolau naa donu dagu hagadee kii olaadeu hagadaumee, ma de hebagi ange gi dangada e kino i gilaadeu.

Psalm 47:3

Ia ne hai gimaadeu gi hagadee kii ina denga huaahenua, ma de hai gilaadeu gi nnoho i omaadeu lalo.

Psalm 18:39

Koe ne gaamai gi de au de mmahi e hebagi ai; koe ne hai ogu hagadaumee gi too gi ogu lalo.

1 Chronicles 22:18

“E aha, Tagi Maolunga doodou Maadua e dee noho nei madali goodou? Ia tee hai laa gi nnoho paba goodou madali dangada i luu baasi de henua? Ia ne dugu mai au gi hagadee kii ina dangada nogo nnoho i de henua. Gai de henua gu hai hegau ange gi Tagi Maolunga ma ono dangada.

Judges 4:22

Gai tilo, Barak ne doolohi mai Sisera gi kilaa, gai Jael ne sao mai ga hedae ange gi de Barak, ga hai ange, “Humai, gai au ga hagaago adu taane aau e ssala naa.” Gai Barak ne ulu gi lo te hale madali ia; gai ia gu gidee Sisera gu magau ma e dagodo ai, gai de laagau e hagamakaga ai de hale malo e duu age i honga dono lae.

Judges 4:24

Gai de gau Israel gu hagadagadaga ange donu de mmahi i de hebagi ange gi Jabin, dahi hodooligi o Canaan.