Judges 3:7 - De Beebaa Dabu

⁷ Gai de gau Israel ne dahulinga baubau i mada luu mada o Tagi Maolunga; gilaadeu ne ngalo Tagi Maolunga delaadeu Maadua, gai ga daumaha ange gi denga Baal ma denga Ashtaroth.

Judges 3:7 Referans Kwoze

Exodus 34:13

Goodou oha ina olaadeu mommee o ssigidaumaha, ma olaadeu duludulu hadu aama de duuduu iho denga duludulu laagau o Asherah,

2 Kings 23:6

Gai ia ne kave gee tuludulu laagau o Asherah mai i lo te hale o Tagi Maolunga, ga kave gi de geelonga go Kidron i tua o Jerusalem ga dudu ai. Gai ia ga dugidugi de mee laa gu ni mama ga maga ange gi mommee iai daanunga o dangada.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 33:3

Ia ne hagatuu age ange denga mommee daumaha a dono damana go Hezekiah ne oha laa; ia ne hagatuu age hogi hanu mommee e sigidaumaha ange ai gi Baal, ma dahi duludulu laagau o Asherah. Ia ne ino ma de daumaha ange gi denga heduu alodahi i lo te langi.

2 Chronicles 24:18

Gai gilaadeu ne tili de hale o Tagi Maolunga, de Maadua o olaadeu dubuna madagidagi, gai ga daumaha ange gi duludulu laagau o Asherah ma denga diinonga. Gai de Maadua ga hagaduasala Judah ma Jerusalem i dono lili.

2 Chronicles 15:16

Asa ne aau gee hogi dono dubuna hahine go Maacah i tuulanga o de hine hodooligi, go hiidinga ia ne hagaduu dahi duludulu hakino gee o Asherah. Gai Asa ne sele iho tuludulu laa ga dugidugi gu maoha, ga dudu i lo te geelonga go Kidron.

2 Kings 23:14

Ia ne oha ga hadihadi denga duludulu hadu, ma de duuduu iho denga duludulu laagau o Asherah, ma de hhao denga mommee nogo iai denga diinonga laa i ivi o de gau maakau.

1 Kings 18:19

Iainei gai koe hagahia dangada o Israel alodahi gi hagabuni i honga de mounga go Carmel. Gai gaamai hogi denga pelaabisi o Baal e 450 laa, aama de pelaabisi e haalau o Asherah, go dangada e gaimee i teebele o Jezebel.”

1 Kings 16:33

Gai Ahab ne hai dahi duludulu laagau o Asherah, gai ne kii ange de lagolago ana mee ne hai ga lili ai Tagi Maolunga, de Maadua o Israel, i denga hodooligi alodahi o Israel i mua.

Judges 6:25

De boo laa gai Tagi Maolunga ne hai ange gi Gideon, “Gaavee de kaau daane a doo damana, aama dahi kaau daane gu hidu ono ngadau, gai koe ga oha iho de mommee o ssigidaumaha o Baal a doo damana gu hagaduu laa, ma de sele iho tuludulu laagau o Asherah i gaogao tiinonga laa.

Judges 3:12

Gai de gau Israel ga aahe ange ga hai denga dahulinga baubau i mada luu mada o Tagi Maolunga; gai Tagi Maolunga ga hai gi kii Eglon, de hodooligi o Moab, i de mmahi i Israel, go hiidinga gilaadeu gu hai denga dahulinga baubau i mada luu mada o Tagi Maolunga

Deuteronomy 16:21

Aude hagaduulia dahi duludulu laagau o Asherah i gaogao de mommee o ssigidaumaha a Tagi Maolunga doo Maadua,

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

2 Chronicles 34:7

ia ne oha iho hogi denga mommee o ssigidaumaha ma duludulu laagau o Asherah, ga mmili gu ni gelegele lligi, ma de duuduu iho denga mommee e dudu ai mee maanongi i honga de henua o Israel alodahi. Dua mee nei gai ia ne ahe gi Jerusalem.

2 Chronicles 34:3

Gai de valu ngadau huu oona ne hodooligi ai, i de masavaa oona goi dama daane ai, gai ia ga daamada de ssala de Maadua o dono dubuna go David. Gai de madaangahulu ma lua ngadau huu, gai ia ga daamada de hagagilimalali Judah ma Jerusalem. Ia ne aau denga mommee daumaha, ma duludulu laagau o Asherah, ma denga diinonga laagau aama diinonga baalanga.

Judges 3:8

Gai Tagi Maolunga gu bole mmao i hiidinga o de gau Israel, gai ia ga dugu ange Cushan-Rishathaim, de hodooligi o Mesopotamia gi hagadee kii ina gilaadeu; gai de gau Israel gu nnoho i ono lalo i e valu ngadau.

Judges 8:34

Gai de gau Israel gu ngalo e gilaadeu Tagi Maolunga delaadeu Maadua, ne hagaola ina laa gilaadeu mai i lalo olaadeu hagadaumee, i luu baasi delaadeu henua;

1 Samuel 12:9

Aagai gilaadeu ne ngalo Tagi Maolunga delaadeu Maadua; gai ia ga dugu ange gilaadeu gi Sisera, tagi o de hagabuulinga hebagi o Hazor, ma de gau Philistia, aama de hodooligi o Moab, gi hagadee kii ina gilaadeu.

1 Samuel 12:10

Gai gilaadeu ga tangi ange gi Tagi Maolunga, ga hai ange, ‘Gimaadeu gu haisala, i hiidinga gimaadeu gu tili Tagi Maolunga, gai gu daumaha ange gi denga Baal aama denga Ashtaroth. Aagai koe gi hagaola ina gimaadeu mai i omaadeu hagadaumee, gai gimaadeu ga daumaha adu ai gi de goe.’

Psalm 106:7

De masavaa o omaadeu dubuna e nnoho ai i Egypt, gai gilaadeu tee hagamaanadu au hegau hagalele mouli; gilaadeu ne ngalo dagodo o doo abodonu laumalie, gai gilaadeu ne hai baasi adu gi de goe i gaogao Tai Mmea.

Jeremiah 23:27

Gilaadeu e maanadu de hai ogu dangada gi ngalo dogu ingoo i alaadeu midi e hagadau tala, bei de hai a olaadeu dubuna madagidagi ne hagangalo ai dogu ingoo gai ga daumaha ange gi Baal.

Deuteronomy 8:11

Gai goodou kana ange gi dee ngalo e goodou Tagi Maolunga doodou Maadua, gai goodou gu dee daohi ana muna ma ana mee gu hagamodu aama ana hainga gu hagasauaa aagu e tala adu nei gi goodou anailaa nei.

Deuteronomy 8:14

gai goodou gu llodo maolunga, ma de ngalo Tagi Maolunga doodou Maadua ne hagassao ina mai laa goodou i de henua go Egypt, go de henua oodou nogo hagahai hegau ina ai.

Deuteronomy 8:18

Goodou hagamaanadu go Tagi Maolunga doodou Maadua, ne gaavadu oodou mahi ne maua ai nei e goodou oodou lava; gai ia ga hagasula ai dana hagatoo donu hagaheloongoi gu hagatoo donu ange ai laa gi oodou dubuna madagidagi, bei de hai oodou gu gide ai naa anailaa nei.

Judges 8:33

Gai de masavaa donu huu o Gideon ne magau ai, gai de gau Israel ga aahe ga daumaha ange gi denga Baal, aama de hai Baal-Berith go delaadeu maadua.

Psalm 106:35

aagai gilaadeu ne hulo ga hai bodu ange gi dangada i denga huaahenua laa ma de ago ange i alaadeu dahulinga.

Psalm 106:36

Gilaadeu ne daumaha ange gi diinonga o denga huaahenua, gai olaadeu lodo gu noodia i de mee nei.