Judges 3:15 - De Beebaa Dabu

¹⁵ Aagai de masavaa huu o de gau Israel ne tangi ange ai gi Tagi Maolunga, gai Tagi Maolunga ga hili dahi daane gi hagaola ina gilaadeu, dono ingoo go Ehud, tama daane a Gera mai i de aamuli o Benjamin, ia se daane lima masui. Gai de gau Israel ne hai ia gi hano gi gaavee dahi mee ngadi gaavange gi Eglon, de hodooligi o Moab.

Judges 3:15 Referans Kwoze

Judges 3:9

Aagai de masavaa huu o de gau Israel ne tangi ange ai gi Tagi Maolunga, gai ia ga hili dahi daane gi hagaola ina de gau Israel, go Othniel, tama daane a Kenaz, taina daane gauligi o Caleb.

Psalm 78:34

Ga daia huu e ia hanu gilaadeu ga maakau, gai gilaadeu ga aahe mai gi de ia, ga daahuli olaadeu lodo ga ssala de Maadua.

Isaiah 36:16

Goodou aude hagallongo ange gi Hezekiah, go hiidinga e hagadaba de hodooligi o Assyria: Goodou hagaheloongoi mai gi de au ga ssao mai gi ogu daha. Gai goodou alodahi e nnoho paba ga gai hua o oodou grape, ma oodou fig, ma de unu vai i lodo oodou vai geli,

1 Chronicles 12:2

Gilaadeu ni daane e hagauda ina mee hholu, gai e maua i de tili de mee hholu ma de maga de buada i de madau ma de masui; gilaadeu ni dangada niio Saul mai i de aamuli o Benjamin.)

Judges 20:16

Gai e hidulau hogi daane hebagi i magavaa o denga daane nei e lima masui; dahi ma dahi e maua i de hhao dahi hadu gi lo te buada ga maga ai gi ulu dahi ngaangaaulu, gai e dee haisala donu.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Proverbs 21:14

De gaavange dahi mee ngadi gaavange hagammuni, e hagasili de lili o tangada, gai de mee ngadi gaavange hagasenga hai hagammuni, e hagasili de bole laumalie.

Proverbs 19:6

E soa dangada e ssala de abodonu i dahi dangada maolunga; gai dangada alodahi ni soa niio tangada e gaavange mee ngadi gaavange.

Proverbs 18:16

De ngadi gaavange e hhuge ange de haiava o tangada, gai e hai gi maua e ia i de duu i mada i mua o de gau aamua.

Psalm 90:15

Koe gi hagamalangilangi ina gimaadeu gi bei de lagolago laangi aau ne hagaduasala ai gimaadeu, gai gi bei de lagolago ngadau omaadeu ne duasala ai.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

1 Samuel 10:27

Aagai hanu dangada baubau ne hagataba, “E maua nei donu taane nei i de hagaola gidaadeu?” Gai gilaadeu ne hagangadi mee a Saul, gilaadeu tee gaamai hogi hanu mee ngadi gaavange gi de ia. Gai a Saul ne golomagi ono lodo i mee nei.

Judges 3:14

Gai de gau Israel ga hai hegau ange gi Eglon, de hodooligi o Moab, i e madaangahulu ma valu ngadau.

Judges 3:16

Gai Ehud ne hai dahi gadilaasa kangi baasi lua, se dahi sugilima de looloa, ga nnoa ange gi honga dono dege i de baasi madau i lalo ono malo.

Judges 2:16

Gai Tagi Maolunga ne hai hanu dangada hagamodu muna gi hagaola ina mai gilaadeu i lalo ssauaa o dangada e vaivai haia gilaadeu.

Judges 4:3

Gai de gau Israel ne tangi ange gi Tagi Maolunga gi balea ange gilaadeu; go hiidinga Jabin e sivalau ono hada hebagi e hai i iron, gai ne kona dana vaivai hai de gau Israel i e madalua ngadau.

2 Samuel 20:9

Gai Joab ne hai ange gi Amasa, “Dogu daina, aahee oo dagodo?” Gai a Joab ga poo de gumigumi o Amasa i dono lima madau ga oso ia.

2 Samuel 20:10

Aagai Amasa tee gidee donu e ia bolo Joab e poo dana gadilaasa. Gai Joab ne hai dana gadilaasa ga velo ai tinae o Amasa, gai ono dae gu too mai, gai tee lua donu hanonga a Joab ne velo ai Amasa; gai ia gu magau. Gai Joab ma dono daina daane go Abishai ga hulo ga doolohi Sheba, tama daane a Bicri.

1 Chronicles 8:3

Gai dama daane a Bela: go Addar, ma Gera, ma Abihud,

1 Chronicles 8:5

ma Gera, ma Shephuphan, aama Huram.

2 Chronicles 9:24

Ngadau alodahi gai dangada e gaamai gi de ia denga mee ngadi gaavange e hai i selevaa ma goolo, ma malo, ma myrrh, ma mee hagamanongi, ma hoosa, aama donkey.