Judges 20:3 - De Beebaa Dabu

³ (Gai de aamuli o Benjamin gu langona bolo de gau Israel gu hulo gi Mizpah.) Gai de gau Israel ga hagataba, “Daalaa mai be dee hee de hai ne hai ai nei de hegau baubau nei?”

Judges 20:3 Referans Kwoze

Matthew 5:25

Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono.

Proverbs 22:3

Tangada maanetonu e mmuni i de masavaa aana e gidee ai de mee hagamanavasaa, aagai tangada lodo senga e hagassoe donu huu i dono haiava, gai ia e duasala ai naa donu.

Judges 20:2

Gai dagi o dangada alodahi i denga aamuli o Israel, ne loomai ga hagabuni madali dangada o de Maadua, gai e haaseguli daane hebagi ga hagauda alaadeu gadilaasa.

Judges 20:4

Gai taane de aamuli o Levi, de bodu o de hine ne daia laa ga magau, ne basa ange ga hai ange, “Au ne humai gi Gibeah o Benjamin madali dogu bodu laa daha e sseni i kilaa.

Deuteronomy 13:15

gai goodou ga hulo ga daa gi maakau dangada alodahi e nnoho i de aduhale laa i de gadilaasa. Gai goodou ga oha de aduhale laa alodahi ga daa dangada ma manu e nnoho ai gi maakau.

Judges 20:12

Gai denga aamuli o Israel ne hai gi hulo hanu daane gi de aamuli alodahi o Benjamin, gi hai ange, “Se hegau baubau bee hee oodou gu hai nei i oodou magavaa?