Judges 2:3 - De Beebaa Dabu

³ Deelaa ai, iainei gai au e hai adu hogi: au e dee hai naa donu gilaadeu gi hulo gee mai i oodou daha; aagai gilaadeu e ssula naa ga ni hagadaumee niiodou, gai olaadeu diinonga e hai naa ga bei ssele e dada ai laa goodou.”

Judges 2:3 Referans Kwoze

Joshua 23:13

gai goodou gi iloo bolo Tagi Maolunga doodou Maadua e dee hai naa donu gi hulo gee denga huaahenua nei mai i oodou magavaa. Gai gilaadeu e bei naa ssele e dada ai goodou, ma de mee e hagailiili ai oodou dua, aama ni mee duiduia i lodo oodou ganomada, ga dae ai gi de odi goodou i de maakau ga dee maaleva, i de henua danuaa a Tagi Maolunga, doodou Maadua gu gaavadu gi goodou.

Numbers 33:55

Aagai noo goodou e dee alualu gi hulo gee dangada e nnoho i de henua, gai muli mai naa huu, gai dangada oodou e dugu gi nnoho madali goodou, e bei naa denga mee duiduia i lodo oodou ganomada, ma manu daladala e duiduia goodou. Gilaadeu e hagahai ngadaa naa goodou, i de henua oodou ga hulo naa e nnoho ai.

Psalm 106:36

Gilaadeu ne daumaha ange gi diinonga o denga huaahenua, gai olaadeu lodo gu noodia i de mee nei.

Deuteronomy 7:16

Gai goodou daia gi odi dangada alodahi a Tagi Maolunga doodou Maadua e gaavadu goodou gi hagadee kii ina. Goodou aude lodo aaloha ange gi gilaadeu aabe gi daumaha ange gi olaadeu diinonga, go hiidinga mee nei e hai naa goodou ga bei dagodo o de manu gu noodia laa i ssele.

Judges 3:6

Gilaadeu ne kave denga damaa hine a de gau laa ga hai bodu ange aagena, ma de gaavange alaadeu damaa hine e hai ai bodu o alaadeu dama daane, gilaadeu ne daumaha ange hogi gi olaadeu diinonga.

Judges 2:21

au e dee hai naa donu gi hulo gee mai i olaadeu daha denga huaahenua a Joshua tee hagadee kii laa i mua dono magau.

Exodus 34:12

Gai goodou kana ange diiloo gi dee haia e goodou dahi hagatoo donu hagaheloongoi madali dangada e nnoho i de henua oodou gu dai hulo naa aagena, gi dee noodia ai goodou i mee nei bei dagodo o ssele.

Exodus 23:33

Gai gilaadeu e dee nnoho i doodou henua, kana haia e gilaadeu goodou ga haisala mai gi de au; gai noo goodou e daumaha ange gi olaadeu diinonga, gai oodou lodo e noodia i de mee nei.”

Judges 2:4

De masavaa huu a tangada de langi o Tagi Maolunga ne tala ange ai muna nei gi de gau Israel alodahi, gai dangada ne oo ga tangi.

Judges 8:27

Gai Gideon ne hai dahi ephod goolo, ga kave ga dugu i dono aduhale go Ophrah. Gai de gau Israel alodahi ne daumaha ange aagena i kilaa, gai de mee laa gu se mee hagalaavea ai lodo o Gideon ma dono huaabodu.