Judges 2:10 - De Beebaa Dabu

¹⁰ Gai de atangada laa alodahi ne maakau hogi bei olaadeu dubuna madagidagi; gai dahi atangada hoou gu hanage i olaadeu dua, gilaadeu tee iloo Tagi Maolunga, ma hegau hagalele mouli aana ne hai i hiidinga o de gau Israel.

Judges 2:10 Referans Kwoze

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Acts 13:36

Dua de hai a David ga bei lodo o de Maadua i dono atangada, gai ia ne magau ga danu madali ono maadua madagidagi, gai dono angaanga ne bobo,

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Isaiah 5:12

Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

2 Samuel 7:12

Gai de masavaa naa huu e odi ange ai oo laangi, gai koe e magau bei oo dubuna, gai au ga hai dahi oo hagadiilinga gi suuia goe, go dahi au dama donu, gai au e hai naa gi dagodo dono nohoanga hodooligi ga hano ai.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Jeremiah 22:16

Ia ne bale ange de gau hagaau aloha ma de duasala, deelaa ai, ia ne duadonu. Gai e dee deelaa de hagadoonunga o de iloo e tangada ogu dagodo? go Tagi Maolunga e hagadaba.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

De Beebaa go Job 21:14

Gai gilaadeu e hai ange gi de Maadua, ‘Aude hakoso ina gimaadeu! Gimaadeu e dee llodo gi iloo e gimaadeu au hagatau.

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

Numbers 27:13

Gai dua naa huu dau gidee de henua laa, gai koe e magau naa ga hano gi daho oo dangada, bei dagodo o doo daina go Aaron,

Genesis 49:33

Gai de masavaa huu ne lava ai muna a Jacob ange gi ana dama, gai ia ga hagapogo mai luoono vae gi honga de moenga, ga hai ana manava hagaodi, gai ia ga hagabuni madali ono dangada.

Genesis 25:8

Gai Abraham ne magau i de masavaa gu kona ai dono madumadua, gai ne daulooloa dono mouli, gai ia ne hagabuni madali ono dangada.

Genesis 15:15

Gai aanei oo dagodo: koe e noho baba naa ga dae ai gi doo magau, gai koe e magau naa ga danu i de masavaa oou gu madumadua ai.

Genesis 25:17

(Gai Ishmael ne mouli i e 137 ngadau. Gai ia ne hai ana manava hagaodi ga magau, gai ia gu hagabuni madali ono dangada.)

Exodus 1:6

Muli mai gai Joseph ma ono daina daane aama de atangada laa alodahi gu odi i de maakau.

Exodus 1:8

Gai gu dae ange dahi hodooligi hoou ga dagi Egypt, gai ia e dee iloo Joseph.

Joshua 24:31

Gai Israel ne daumaha ange gi Tagi Maolunga i de masavaa o Joshua e mouli ai, aama denga daane maatua ne mouli laa i dua o Joshua, aanei denga daane ne gidee e gilaadeu hegau hagalele mouli alodahi a Tagi Maolunga ne hai i hiidinga o de gau Israel.

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Jeremiah 9:5

Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.

Luke 20:32

Muli mai gai de hine laa ne magau hogi.