Judges 19:3 - De Beebaa Dabu

³ Gai dono bodu ne hano gi kilaa e usuusu ange ia gi ahe mai. Gai ia ne kave dahi ono daane hai hegau, ma e lua donkey madali ia. Gai de hine laa ne kave ia gi de hale o dono damana, gai dono damana ne malangilangi i de abodonu ange gi de ia, i de masavaa aana ne gidee ai ia.

Judges 19:3 Referans Kwoze

Genesis 50:21

Deenei ai, goodou aude maatagu, gai au e tilo adu naa donu goodou ma oodou dama.” Gai ia ga hagaaneane olaadeu lodo, ga basa maamaane ange gi gilaadeu.

Genesis 34:3

Gai ia gu kona donu dono vaasuu i Dinah, tamaa hine a Jacob; ia gu aloha i tamaa hine laa, ga basa maamaane ange gi de ia.

Galatians 6:1

Denga daina, noo dahi dangada gu haisala, aagai goodou gu maatua abodonu laa i de hagasaalunga gi balea ange gi hagaahea mai ia i de lodo maolalo. Gai goodou dagidiiloo gi dee hagataalea hogi goodou.

John 8:11

Gai de hine laa ne hai ange, “Tangada aamua, teai donu.” Iesu ne hai ange gi de ia, “Au e dee buu adu hogi ssala gi de goe. Hannoo, gai koe aude ahe ange gi haisala.”]

Matthew 1:19

Gai dono bodu go Joseph se daane e hai hegau i de mee abodonu. Ia tee lodo e hagadogaa Mary, gai ia ne lodo e hagammuni dono maavae ange gi Mary.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Judges 15:1

Hanu laangi huu gi muli mai, i de masavaa e hagihagi ai denga grain, gai Samson ne hano e hedae ange gi dono bodu, gai ne kave dahi guudi madali ia; gai ia ga hagadaba, “Au ga hano nei e ulu gi daho dogu bodu i lo te aabi.” Aagai dono saulaba tee dugu ange ia gi ulu gi lodo.

Numbers 22:22

Aagai de Maadua gu lili mmao, i dono hano madali gilaadeu; gai tangada de langi o Tagi Maolunga ne humai ga duu i lo te haiava, e hai baasi ange ai gi de ia. Gai Balaam ne gage i honga dana donkey, gai luoono daane hai hegau ne hulo madali ia.

Leviticus 20:10

Noo dahi daane gu dagodo haisala ma de bodu o dahi dangada gee, gai gilaau ngaadahi e daa donu gi maakau.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

Judges 19:2

Aagai de hine laa ne lili i de ia ga savini ga ahe gi daho dono damana i Bethlehem i Judah, ga noho ai i e haa malama.

Judges 19:4

Gai tamana o tamaa hine laa ga hai ia gi damaa noho ange i ono daha. Gai taane laa ne noho i ono daha i e dolu laangi; gai gilaadeu ga gaimee ma de unu, ga sseni ai i kilaa.

Judges 19:26

Gai de hine laa ne humai i taiao laa ga baguu ange gi ma te haitoga o de hale o taane madumadua laa, go de hale o dono bodu e seni ai laa, ga dagodo i kilaa ga dae ai gi de masavaa ne ao ai de mee.

Hosea 2:16

De laangi laa, go Tagi Maolunga e hagadaba, gai koe e hagahi mai naa ‘Dogu bodu’ gi de au, koe gu dee hai mai ‘Dogu Baal’.