Judges 19:16 - De Beebaa Dabu

¹⁶ Gai tilo, dahi daane madumadua gu humai, i dua de lava ana hegau i dana veelenga i de ahiahi; ia se daane mai i de mommee iai mounga o Ephraim, gai ia ne humai ga noho i Gibeah (gai dangada e nnoho i de aduhale laa ni dangada de aamuli o Benjamin).

Judges 19:16 Referans Kwoze

Psalm 104:23

Tangada e hano ga hai ana hegau, gai ia e hai hegau ga dae ai gi de ahiahi.

Judges 19:1

De masavaa laa gai tigi ai donu se hodooligi o Israel. Gai e dahi daane de aamuli o Levi e noho i dahi mommee mmao i de mommee iai mounga o Ephraim. Ia ne kave dahi hahine mai i Bethlehem i Judah ga hai ai dono bodu laa daha.

2 Thessalonians 3:10

De masavaa omaadeu e nnoho ai i oodou daha, gai gimaadeu ne tala adu ga hai adu, “Tangada vaiduu e dee heohi donu dono gaimee.”

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

Ecclesiastes 5:12

Tangada hai hegau e seni danuaa, e dee galemu be ne momo aabe ne lagolago ana mee ne gai, aagai goloa lagolago o tangada lava e hai ma e dee maua e ia i de seni.

Ecclesiastes 1:13

Au ne hagaduu ngae e ssala, gi donu ange au gi mee alodahi gu hai i lalo de langi. Gai se hegau hai ngadaa a de Maadua gu gaavange gi dangada gi haia.

Proverbs 24:27

Haia gi lava au hegau i duaahaho ma de hagadabena au veelenga; muli mai, gai koe ga hagaduu doo hale.

Proverbs 14:23

Hegau alodahi e hanu donu mee e maua ai, aagai denga ngadi muna e hai ga hagaau aloha tangada.

Proverbs 13:11

De lava e maua laa i de hadu muna e moolau donu de odi, aagai de lava e hagabudu dagi de momo laa e hagadagadaga age donu.

Psalm 128:2

Koe e gai naa hua o au hegau, gai koe manuuia naa ma de duadonu.

Judges 19:14

Gai gilaadeu ne hagassoe ga hulo, gai gu danu de laa, i de masavaa olaadeu ne tae gi Gibeah o Benjamin.

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

Judges 19:15

Gai gilaadeu ne nnoho i kilaa i de boo laa. Gai gilaadeu ne hulo ga nnoho i lo te duu malaelae i lo te aduhale laa, gai teai donu se dangada ne gaavee gilaadeu gi sseni i dono hale i de boo laa.

Judges 19:17

Gai de masavaa huu aana ne gidee ai de gau laa i lo te aduhale o de aduhale, gai ia ne ssili ange, “Goodou ga hulo naa gi hee? Gai go hee oodou ne loomai ai naa?”

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.