Judges 18:4 - De Beebaa Dabu

⁴ Gai tama daane laa ne hai ange gi gilaadeu, “Deenei de hai a Micah ne hai ai au: ia gu hagao au e hai ai dono dangada haimeedabu.”

Judges 18:4 Referans Kwoze

Judges 17:10

Gai Micah ga hai ange gi de ia, “Noho i ogu daha e hai ai dogu damana ma dogu dangada haimeedabu, gai au ga hagao adu goe i e madaangahulu dibaa selevaa i dahi ngadau, ma de gaavadu hanu malo moou ma de haangai adu goe.”

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

Acts 20:33

Gai au tee nnoo ange donu gi selevaa be go goolo, aabe go malo o dahi dangada.

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Proverbs 28:21

De hilihili dangada e dee se hegau danuaa; aagai tangada e hai naa donu de mee dee heohi i hiidinga o de ngadi gaavange hagasenga.

Judges 17:12

Gai Micah ne hai hogi ia gi se dangada haimeedabu, gai tama daane laa gu noho i dono hale ga hai ai dono dangada haimeedabu.

Judges 18:3

Gai de masavaa olaadeu ne hulo ai ga paa ange gi de hale o Micah, gai gilaadeu gu madea de leo o tama daane de aamuli o Levi; gai gilaadeu ne taa ange gi kilaa ga ssili ange gi de ia, “Goai ne gaamai naa goe gi kinei? Gai ni aha aau e hai naa i de mommee nei? Gai ni hegau aha aau e hai nei i kinei?”

Judges 18:5

Gai gilaadeu ga hai ange gi de ia, “Aude haihaia, dalodalo ange gi de Maadua gi iloo ai e gimaadeu be demaadeu hanonga nei e haigamaiana aabe deai.”