Judges 17:2 - De Beebaa Dabu

² Taane laa ne hai ange gi dono dinana, “Tilo, denga shekel selevaa e 1,100 tee maaleva laa, go mee aau ne basa hagamalaia ai laa — go au ne gaavee, gai aanei i ogu daha.” Gai dono dinana ne hai ange gi de ia, “Dagu dama, Tagi Maolunga gi hagamanuuia ina goe.”

Judges 17:2 Referans Kwoze

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

Ruth 3:10

Gai Boaz ne hai ange, “Dagu damaa hine, Tagi Maolunga gi hagamanuuia ina goe. Dau hegau danuaa ne hai anaboo nei, e laumalie ange i au hegau gu hai i mua. Koe tee hano e ssala doo bodu i magavaa o denga dama daane, e dee hilihili be se daane hagaau aloha aabe se daane lava.

2 John 1:11

go hiidinga tangada e hagaboo ange gi de ia e hagabuni ange donu gi ana hegau baubau.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Matthew 26:74

Aagai ia ga daamada de hagamalaia donu huu ia ma de hagatoo donu, ga hai ange, “Au e dee iloo donu taane naa!” De masavaa laa donu huu gai gu goo de gaagoo daane.

Jeremiah 48:10

E malaia naa tangada e dee kana ange e hai hegau a Tagi Maolunga! E malaia naa tangada e dee daia gi maakau dangada i dana gadilaasa!

Proverbs 28:24

Tangada e gaiaa ina laa mee a dono damana aabe go dono dinana, ga hagadaba, “Au tigi haisala donu” — se soa donu niio tangada e oohaa ina mee.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

1 Samuel 26:19

Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.

1 Samuel 23:21

Gai a Saul ga hai ange, “Tagi Maolunga gi hagamanuuia ina goodou, i hiidinga doodou abodonu mai gi de au.

1 Samuel 15:13

Gai de masavaa huu o Samuel ne hano ai ga dae gi daho Saul, gai a Saul ga hai ange gi de ia, “Tagi Maolunga gi hagamanuuia ina goe; au ne hagassula donu muna a Tagi Maolunga.”

1 Samuel 14:28

Gai dahi daane ne hai ange, “Doo damana ne hai dangada gi hagatoo donu gi hagataba, ‘E malaia tangada e gaina hanu gai ailaa nei!’ Gai denga daane alodahi gu hiikai ma teai olaadeu mahi.”

1 Samuel 14:24

Gai denga daane o Israel gu hiikai mmao i de laangi laa; i hiidinga a Saul ne hai gilaadeu gi hagatoo donu gi hagataba, “E malaia tangada e gaina hanu gai ga dae ai gi de ahiahi, aama mua taadeu hagadee kii odaadeu hagadaumee.” Deelaa ai, teai donu se dangada daudahi ne mamia ange hanu gai.

Judges 5:23

E hagadaba tangada de langi o Tagi Maolunga, ‘Meroz gi kona de hagamalaia o dangada e nnoho i kilaa, go hiidinga gilaadeu tee loomai e bale ange Tagi Maolunga, e bale ange Tagi Maolunga e hebagi ange ai gi de gau mmahi.’

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Exodus 20:7

Aude hagangadi mee ina de ingoo o Iahweh doo Maadua, go hiidinga Tagi Maolunga e hagahaisala donu tangada e hagangadi mee ina dono ingoo.

Genesis 14:19

Gai ia ne hagamanuuia Abram ga hagadaba, “De Maadua Maolunga Mmao laa e hagamanuuia Abram, go de ia ne haia de langi ma henua i lalo.

Judges 17:1

E dahi daane e noho i de mommee iai mounga o Ephraim, dono ingoo go Micah.

Judges 17:3

Gai taane laa ga hagaahe ange gi dono dinana denga dibaa selevaa e 1,100 laa; gai dono dinana ga hai ange, “Au ne hagadabu ange selevaa nei gi Tagi Maolunga, go mee aagu e gaavange gi dagu dama, gai ia ga hai ai dahi diinonga i laagau ma baalanga. Deenei ai, au e hagaahe adu mee nei gi de goe.”