Judges 16:7 - De Beebaa Dabu

⁷ Gai Samson ga hai ange gi de hine laa, “Noo dangada e nnoa au i e hidu uga o de mee hholu tigi mmasa laa, gai au gu baageaa bei denga daane ange laa.”

Judges 16:7 Referans Kwoze

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

Galatians 6:7

Aude hagasengalia donu huu goodou; e deai donu se dangada e maua i de hagangadi mee de Maadua, go hiidinga be se aha naa huu a tangada e doo, gai ia e hagihagi hogi hua o ana mee ne doo.

Romans 3:8

Gai gu aha gidaadeu gu dee hai ai de baubau gi sula danuaa mai ai tanuaa? — bei de hai a hanu dangada e tala ai naa bolo aanei amaadeu muna e tala. Gai e heohi donu delaadeu hagaduasala.

Proverbs 17:7

De tala muna hagadubu e dee heohi ange gi tangada lodo senga, gai e kii ange donu tee heohi de hadu muna o dahi dagi.

Proverbs 12:19

De muna abodonu e dagodo ga hano ai, aagai denga muna hhadu e dagodo donu i dahi masavaa bodobodo.

1 Samuel 27:10

Gai ga siilia ange naa huu e Achish, ga hai ange, “Go hee aau ne hano naa ga hebagi ai anailaa nei?”, gai David ga hai ange, “Au ne hano ga hebagi ange gi hanu mommee i de bido i ngaage o Judah,” be, “Go de bido i ngaage de mommee o Jerahmeel,” aabe, “Go de bido i ngaage de henua o de aamuli o Ken.”

1 Samuel 19:17

A Saul ne hai ange gi Michal, “Gu aha goe gu daahanga mai ai naa au, ma de hai dogu hagadaumee ga hano, gi ola ai ia?” Gai Michal ne hai ange gi de ia, “Ia ne hai mai, ‘Dugua mai au gi hano. Ni haigamaiana aha dagu daa goe gi magau?’ ”

Judges 16:10

Gai Delilah ne hai ange gi Samson, “Tilo, koe ne daahanga mai au ma de tala mai hanu muna hhadu gi de au. Aude haihaia, daalaa mai be dee hee dagu hai e nnoa ai goe.”

Judges 16:6

Gai Delilah ga hai ange gi Samson, “Aude haihaia, daalaa mai gi iloo e au be se aha e haia naa ma e kona doo mmahi, gai dee hee de hai e nnoa ai goe gi dee maua gi ola.”

Judges 16:8

Gai denga dagi o Philistia ga gaamai gi de hine laa e hidu uga hoou tigi mmasa, gai Delilah ga hai denga uga laa ga nnoa ai Samson.

Judges 16:9

Gai hanu daane gu loomai huu i mua ma e mmuni i dahi aabi gee. Gai de hine laa ga hai ange gi de ia, “Samson, de gau Philistia gu loomai!” Gai Samson ga duuduu denga uga e nnoa ai laa ia, bei deleisi e dudu laa i de ahi. Gai tee maua gi iloo be go hee ne loomai ai ono mahi.