Judges 16:2 - De Beebaa Dabu

² Gai de gau Gaza gu langona bolo Samson gu humai. Gai gilaadeu ne hulo ga mmuni i gaogao de haitoga o de aduhale, i denga boo laa alodahi, ga tali ai ia, ma de hagataba, “Gidaadeu ga tali gi maalama age de mee, gai gidaadeu ga daa ia gi magau.”

Judges 16:2 Referans Kwoze

1 Samuel 23:26

Gai a Saul e hanadu i dahi baasi o de mounga, gai David ma ono daane i de baasi gee; gilaadeu ne hagamoolau e hulo gi mmao gee gilaadeu i a Saul. Gai a Saul ma ono daane hebagi gu dai daea adu donu e gilaadeu David ma ono daane,

Acts 9:24

Aagai a Saul gu iloo e ia delaadeu nnoho e daa ia gi magau. Gai de gau Ssuu gu dagitilo denga haitoga o de aduhale, i de laangi ma de boo e daa ai ia gi magau.

Acts 23:15

Deenei ai, goodou ma de hagabuulinga hagasaele gi dangidangi ange gi tagi o de hebagi gi gaamai a Paul gi oodou daha, e dagodo be goodou e llodo ssili e hagadonu ono dagodo. Gai gimaadeu ga hagadabena e daa ia gi magau i mua dono dae mai gi kinei.”

Matthew 27:1

Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Matthew 21:38

Aagai ga gidee huu e gilaadeu dana dama, gai gilaadeu ga hagataba, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga.’

1 Samuel 19:11

De boo laa gai a Saul ne kave hanu daane gi de hale o David gi dagidiiloo ai gi daia ia gi magau i taiao age. Gai Michal, de bodu o David ga hai ange gi de ia, “Noo koe e dee hano e mmuni aaboo nei, gai koe e daa naa gi magau daiao.”

Judges 15:18

Gai Samson gu kona mmao dono hieunu, gai ia ga dalodalo ange gi Tagi Maolunga, ga hai ange, “Koe ne dugu mai gi kii au, doo dangada hai hegau. Gai koe ga dugu ange naa de gau tua de mee nei gi daia ngau gi magau iainei, i hiidinga dogu hieunu?”

Luke 21:20

“De masavaa naa huu oodou e gidee ai Jerusalem gu duuli ina i denga hagabuulinga hebagi, aagai goodou gi iloo bolo gu dai oha de aduhale.

Judges 16:3

Aagai Samson ne noho i lo te aduhale ga dae ai gi de madohi boo, gai ia ga hidi age ga dada age de abaaba o de haitoga o de aduhale, ma ono duludulu aama ono mee hagamakaga, ga hagauda ange gi honga luoono eu ga hano ai gi ulu de mounga i de baasi ange gi Hebron.