Judges 16:13 - De Beebaa Dabu

¹³ Gai Delilah ga hai ange gi Samson, “Koe ne daahanga mai au, ma de tala mai hanu muna hadu gi de au, ga dae mai ai nei gi iainei. Aude haihaia, daalaa mai be dee hee dagu hai e nnoa ai goe.” Gai Samson ga hai ange gi de hine laa, “Noo koe e llanga denga biininga e hidu i dogu biho bei de mee llanga, [ga velo i dahi biini ga hagamakaga ai, gai au gu baageaa bei denga daane ange laa.”

Judges 16:13 Referans Kwoze

Judges 16:12

Gai Delilah ga gaamai hanu uga hoou ga nnoa ai ia, gai ia ga hai ange gi de ia, “Samson, de gau Philistia gu loomai!” Gai denga daane e nnoho laa e poo ia gu nnoho i dahi aabi i kilaa. Gai Samson ne dada denga uga laa ga modumodu mai, e dagodo be ni deleisi.

Judges 16:14

Gai de masavaa huu oona ne seni ai, gai Delilah ga llanga biininga e hidu i dono biho laa bei de mee llanga] ga velo i de biini ga hagamakaga ai. Gai de hine laa ga hagahi ange ia, ga hai ange, “Samson, de gau Philistia gu loomai!” Aagai Samson gu alahage, ga dada mai de biini, ma de mee langa mee, aama mee gu llanga laa.

Judges 14:17

Gai de hine laa ne dangi ange gi Samson i denga laangi e hidu ne hai ai laa taonga. Gai de hagahidu laangi huu, gai Samson ga tala ange gi de ia de hagadoonunga o de mee hagasengasenga laa, go hiidinga de hine laa ne usuusu ange ia. Gai de hine laa ga tala ange gi denga daane o dono henua.

Judges 16:10

Gai Delilah ne hai ange gi Samson, “Tilo, koe ne daahanga mai au ma de tala mai hanu muna hhadu gi de au. Aude haihaia, daalaa mai be dee hee dagu hai e nnoa ai goe.”