Judges 16:11 - De Beebaa Dabu

¹¹ Samson ga hai ange gi de ia, “Noo dangada e nnoa au i hanu uga hoou tigi ai laa mee ne hai ai, gai au gu baageaa bei denga daane ange laa.”

Judges 16:11 Referans Kwoze

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Proverbs 13:5

Tangada heohi e kino i de tala muna hadu, aagai hegau a tangada baubau e hagadookaa ma de hagangadi mee ina.

Proverbs 13:3

Tangada e kana ange laa gi ana muna e tala, e hagaloosi dono mouli, aagai tangada e lagolago laa ana muna e tala, e duu ange donu gi de hagaduasala.

Judges 15:13

Gai gilaadeu ga hai ange gi de ia, “Gimaadeu e nnoa donu huu goe e gaavange gi de gau Philistia; gai gimaadeu e dee daa naa donu goe gi magau.” Gai gilaadeu ga hai e lua daula makaga ga nnoa ai ia, ga kave gee ia mai i lo te baba laa.

Judges 16:10

Gai Delilah ne hai ange gi Samson, “Tilo, koe ne daahanga mai au ma de tala mai hanu muna hhadu gi de au. Aude haihaia, daalaa mai be dee hee dagu hai e nnoa ai goe.”

Judges 16:12

Gai Delilah ga gaamai hanu uga hoou ga nnoa ai ia, gai ia ga hai ange gi de ia, “Samson, de gau Philistia gu loomai!” Gai denga daane e nnoho laa e poo ia gu nnoho i dahi aabi i kilaa. Gai Samson ne dada denga uga laa ga modumodu mai, e dagodo be ni deleisi.