Judges 11:10 - De Beebaa Dabu

¹⁰ Gai denga daane maatua o Gilead ga hai ange gi Jephthah, “Go Iahweh de ia tala hagadonu i odaadeu magavaa; gai gimaadeu e hai naa donu gi bei au muna gu tala mai.”

Judges 11:10 Referans Kwoze

Jeremiah 42:5

Gai gilaadeu ne hai ange gi Jeremiah, “Tagi Maolunga e heohi donu ma de hai hegau i de mee abodonu, i dono hai baasi mai gi gimaadeu, noo gimaadeu e dee hagassula muna alodahi a Tagi Maolunga doo Maadua e tala adu koe gi daalaa mai gi gimaadeu.

Genesis 31:50

Gai noo koe gu vaivai hai luaagu damaa hine, aabe e hai bodu ange hanu haahine gee, e dee go luaagu damaa hine, gai e dee galemu naa donu teai dangada madali gidaau, gai go de Maadua donu e hagadonu ai mee i odaau magavaa.”

Jeremiah 29:23

Go hiidinga gilaau ne baubau alaau hegau ne hai i Israel, gilaau ne hulo gi daho bodu o daane e paa ange gi gilaau, gai ne tala hanu muna hhadu i dogu ingoo, gai e dee go au donu ne hai ange gilaau gi daalaa muna laa. Au e iloo donu de mee nei ma de tala hagadonu ono dagodo, go Tagi Maolunga e hagadaba.”

Genesis 16:5

Gai Sarai ga hai ange gi Abram, “Go koe ne hidi ai dogu hagangadi mee ina. Au ne hai dogu hahine hai hegau gi hagahebaa ma goe, gai ga iloo huu e ia bolo ia gu hai dama, gai ia ga hagangadi mee au. Tagi Maolunga gi hagamodu ina be goai de gidaau e heohi.”

2 Corinthians 11:31

Gai de Maadua ma Tamana o Tagi Maolunga go Iesu, e heohi laa taadeu tuhi ga hano ai, e iloo bolo au e dee hadu muna donu.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

1 Samuel 24:12

Tagi Maolunga gi hagamodu ina odaau muna. Gai Tagi Maolunga gi suuia adu au mee e hai mai gi de au; aagai au e dee daa donu goe gi magau.

1 Samuel 12:5

Gai ia ne hai ange gi gilaadeu, “Go Tagi Maolunga ma de hodooligi aana gu hagadabu anailaa nei e hagadonu ai, bolo teai donu se mee daudahi oogu ne haisala adu ai gi goodou.” Gai gilaadeu ga hai ange, “Go Tagi Maolunga donu e hagadonu ai mee nei.”

Deuteronomy 1:16

Gai au ne hai ange gi oodou dangada hagamodu muna i de masavaa laa, “Go goodou e hagalaangona gi danuaa ga hagamodu denga dee heloongoi i magavaa o de gau Israel donu aama magavaa o dahi dangada Israel ma dahi dangada henua gee.

Exodus 20:7

Aude hagangadi mee ina de ingoo o Iahweh doo Maadua, go hiidinga Tagi Maolunga e hagahaisala donu tangada e hagangadi mee ina dono ingoo.

Genesis 31:53

Gai de Maadua o Abraham ma Nahor, go de Maadua o delaau damana gi hagamodu ina mee i odaau magavaa.” Gai Jacob ne hagatoo donu i de ia o Isaac e madagu ai laa.

Genesis 21:23

Gai koe haia mai dahi hagatoo donu gi de au, i kinei i de ingoo o de Maadua, bolo koe e dee hai hegau baubau mai gi de au, ma agu dama aama dogu hagadiilinga. Gai koe abodonu mai gi de au ma de henua oou e noho gaainga ai nei, bei dagu hai gu abodonu ai hogi gi de goe.”

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

Judges 11:9

Gai Jephthah ne hai ange gi dagi o Gilead, “Noo goodou e hagaahe mai au gi hebagi ange gi de gau Ammon, gai Tagi Maolunga e dugu mai naa au gi hagadee kii ina gilaadeu, gai goodou e hai naa au go doodou dagi?”

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.