Judges 1:15 - De Beebaa Dabu

¹⁵ Gai ia ga hai ange, “Gaamai ange dahi mee ngadi gaavange maagu. Koe ne dugu mai dogu mommee i Negev, gai gaamai hogi gi de au dahi mommee iai vai.” Gai Caleb ne gaavange gi de ia denga vai e mmua gi lunga aama denga vai e mmua gi lalo.

Judges 1:15 Referans Kwoze

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

Hebrews 6:7

Gai de gelegele e dee modu de hagamaluulu i de langi e pala iho laa gi ono elunga, ma de ssomo ai manu e haigamaiana ange gi gilaadeu ne dooa, e hagamanuuia i daho de Maadua.

2 Corinthians 9:5

Deenei ai, au ne maanadu bolo se mee danuaa de hai denga daina nei gi loadu i mua dogu hanadu, gi hagadabena ina ai de mee ngadi gaavange oodou gu lava laa i de hagatoo donu ai, gai gi baba ai doodou mee ngadi gaavange i doodou malangilangi, e dee se mee e hai gi de mahi.

1 Samuel 25:27

Dogu dangada aamua, gaavee de ngadi gaavange a doo hahine hai hegau ne gaamai nei e gaavadu gi de goe, mage gaavange gi denga daane e daudali adu naa i de goe.

1 Samuel 25:18

Gai Abigail ne hagamoolau ga hagadabena e lualau duudangaa pelaoaa, ma e lua manu uvaini, ma e lima ssiibi mmoa, ma e lima hagabaaunga grain lala, ma e lau duudangaa raisin, aama e lualau duudangaa fig, ga hagauda ange gi honga hanu donkey.

Genesis 33:11

Aude haihaia, gaavee dagu mee ngadi gaavange gu gaamai nei gi de goe, go hiidinga de Maadua gu abodonu mai gi de au, ma gu gaamai gi de au mee alodahi oogu e mouli ai.” Gai ia ga usuusu ange ia, gai Esau ga kave mee laa.

Joshua 15:19

Gai ia ga hai ange, “Gaamai ange dahi mee ngadi gaavange maagu; koe ne gaamai dogu mommee i Negev, gai gaamai ange dahi mommee e hanu vai iai.” Gai Caleb ga gaavange hogi gi de ia denga vai e mmua gi lunga aama vai e mmua gi lalo.

Judges 1:14

Gai de masavaa huu o tamaa hine laa ne humai ai gi daho Othniel, gai ia ga usuusu ange ia gi dangidangi ange gi dono damana i dahi alahenua. Gai ga iho mai huu tamaa hine laa i honga dana donkey, gai Caleb ga ssili ange gi de ia, “Se aha oou e lodo ai?”

Judges 1:16

Gai de aamuli o Ken, ssaulaba o Moses, ne hulo gee mai i de aduhale o denga palm, madali dangada o Judah ga nnoho madali gilaadeu i de vao o Judah i Negev, i gaogao o Arad.