Joshua 5:14 - De Beebaa Dabu

¹⁴ Gai ia ga hai ange, “E deai, aagai au go tagi o hagabuulinga hebagi o Tagi Maolunga. Deenei dogu mee ne humai ai nei.” Gai Joshua ga ino gi honga de gelegele, ga daumaha ange gi de ia, ga hai ange, “Aahee au muna, dogu Ia Aamua, e lodo e tala mai gi de au, doo dangada hai hegau?”

Joshua 5:14 Referans Kwoze

Isaiah 55:4

Tilo, au ne hai ia gi se ia tala hagadonu ange gi denga huaadangada, gai se dagi e daalaa ange mee a denga huaadangada e hai.

Genesis 17:3

Gai Abram ga ino gu baa luoono mada gi honga de gelegele, gai de Maadua ga basa ange gi de ia, ga hai ange,

Luke 20:42

Gai David gu hagadaba i de beebaa o denga Psalm, ‘Tagi Maolunga ne hai ange gi dogu Ia Aamua: Noho i dogu baasi madau

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Daniel 10:13

Aagai ⌊tangada de langi,⌋ tagi o de nohoanga hodooligi o Persia ne hai baasi mai gi de au i e madalua ma dahi laangi. Gai Michael, dahi dagi o de gau de langi, ne humai ga bale mai au, go hiidinga de hodooligi o Persia ne daohi au i kilaa.

Revelation 12:7

Gai gu hai hogi de hebagi i lo te langi i lunga; Michael ma ono dangada de langi e hebagi ange gi de dragon, gai de dragon ma ono dangada de langi e hebagi ange gi gilaadeu.

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”

Matthew 22:44

‘Tagi Maolunga ne hai ange gi dogu Ia Aamua: Noho i dogu baasi madau, ga dae ai gi dagu hai oo hagadaumee gi nnoho i oo lalo.’

Matthew 8:2

Gai tilo, dahi daane lebelaa ne humai ga duuduli i ono mada i mua, ga hai ange, “Tagi Maolunga, noo koe e lodo, gai koe e maua donu i de hai au gi gilimalali.”

Daniel 10:21

gai i mua dogu hano gai au e tala adu mee gu lava i de sisi i lo te Beebaa o de Mee Abodonu. Gai e deai ange donu e balea mai au e hebagi ange ai gi gilaau, go Michael donu huu, doodou dagi.

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Numbers 16:45

“Vaaea gee gooluu mai i daho de hagabuulingaa dangada nei, gai au ga daa gilaadeu gi maakau iainei.” Gai gilaau ga ino ga hagapaa olaau mada gi honga de gelegele.

Hebrews 2:10

Gai e heohi donu de hai a de Maadua, de ia ne haia ma de daohia mee alodahi gu hanu, i dana gaamai gi de mahamaha hanu dama soa, de ia ne damadaa delaadeu hagamouli gi honu abodonu ono dagodo i dono hagaduasala.

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Acts 9:6

Hidi age hannoo gi de aduhale, gai ga tala adu ai gi de goe au mee e hai.”

Luke 1:43

Gai gu aha gu maua ai nei e au de manuuia laumalie nei, go de humai o tinana o dogu Dagi Maolunga gi ogu daha?

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Leviticus 9:24

De ahi gu hano iho i daho Tagi Maolunga ga dudu ssigidaumaha dudu ma mee moomuna, i honga de mommee o ssigidaumaha laa. Gai de masavaa huu a dangada alodahi ne gidee ai de mee laa, gai gilaadeu ga hevaalogi, ga ino gi honga de gelegele.

Exodus 4:10

Gai Moses ga hai ange gi Tagi Maolunga, “Dogu Ia Aamua, aude haihaia, au e dee maua i de basa i honga o dangada; mai i mua ga dae mai ai gi iainei i doo masavaa ne basa mai ai nei gi de au, doo dangada hai hegau. Au e dee maua i de basa ma de tala gi danuaa agu muna.”

Genesis 17:17

Gai Abraham ga ino gu baa luoono mada gi honga de gelegele; gai ia ne gadagada ga hagadaba i ono lodo, “E maua e taane gu lau ono ngadau i de hagadili dahi gauligi? Gai e maua e Sarah, de hine gu massiva laa ono ngadau i de haanau dahi dama?”

Luke 5:12

De masavaa o Iesu e noho ai i dahi aduhale, gai dahi daane lebelaa ne humai gi kilaa. Gai ga gidee huu e ia Iesu, gai ia ga duuduli ga ino gi lalo ga dangidangi ange, ga hai ange, “Tagi Maolunga, noo koe e lodo, gai koe e maua donu i de hai au gi gilimalali!”

Numbers 16:22

Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

Exodus 4:13

Gai Moses ga hai ange, “Dogu Ia Aamua, aude haihaia, haia dahi dangada gee gi hano.”

Psalm 24:10

Goai de Hodooligi o de mahamaha nei? Go Tagi o denga hagabuulinga hebagi, go ia de Hodooligi o de mahamaha! Selah

Numbers 22:31

Gai Tagi Maolunga ga hhuge luu mada o Balaam, gai ia gu gidee tangada de langi o Tagi Maolunga, ia e duu i lo te haiava ma e poo ai dana gadilaasa. Gai Balaam ga ino gu baa luoono mada gi honga de gelegele.

Joshua 20:1

Gai Tagi Maolunga ne basa ange gi Joshua, ga hai ange,

2 Samuel 7:19

Dogu Ia Aamua go Iahweh, e dee deenei donu huu dau mee gu hai; gai koe gu tala hogi dagodo o de aamuli o doo dangada hai hegau i muli mai. Dogu Ia Aamua go Iahweh, deenei dau hagatau ange gi dangada?

2 Samuel 7:20

Gai aahee ange naa agu muna e tala? Dogu Ia Aamua go Iahweh, koe e iloo dagodo o doo dangada hai hegau!

Ezekiel 3:23

Gai au ga hidi age ga hano gi de geelonga; gai tilo, de mahamaha o Tagi Maolunga gu duu i kilaa, bei de mahamaha aagu ne gidee laa i gaogao ssaalingaa vai go Kebar, gai au ga ino gi honga de gelegele.

Daniel 8:11

Gai de hanga laa ne hai ia gi maolunga bei Tagi o denga hagabuulinga hebagi; de hanga laa ne hai gi dee hai denga sigidaumaha i de laa tubua e hai ange laa gi de ia, ma de oha dono mommee dabu.