Joshua 3:16 - De Beebaa Dabu

¹⁶ gai vai e loiho laa i lunga gu tuu de ssali iho, gai gu hagabudubudu age i dahi mommee mmao, i de aduhale go Adam, se damaa aduhale e baa ange gi Zarethan. Gai vai e loiho laa ma e hulo gi Tai o Arabah (e bei, go Tai o Soolo) gu modu gee. Gai de huaadangada ne seesee ga hulo gi de baasi gee i gaogao o Jericho.

Joshua 3:16 Referans Kwoze

Joshua 3:13

Gai de masavaa naa huu o de gau haimeedabu e sabaia laa de ngavesi a Tagi Maolunga — de Ia Aamua o henua alodahi — e tuu ai olaadeu vae i lo te vai o Jordan, gai ono vai gu tuu de ssali iho; denga vai e loiho laa i lunga gu tuu de loiho, ga hagabudubudu age i dahi mommee.”

1 Kings 7:46

Gai de hodooligi ne hagavaivai denga bronze ga hai ai mee laa alodahi i de geelonga i gaogao Jordan, se mommee iai bela pigi i magavaa o Succoth ma Zarethan.

1 Kings 4:12

ma Baana, tama daane a Ahilud, tagi i Taanak, ma Megiddo, ma Beth Shean i gaogao o Zarethan ma lalo o Jezreel, ma mai i Beth Shan gi Abel Meholah, gai e hano gi de baasi laa o Jokmeam;

Genesis 14:3

Gai gilaadeu nei alodahi ne hagabuni i de geelonga o Siddim, e bei go Tai Soolo.

Psalm 114:3

Tai ne gidee, gai gu savini ga hano, ssaalingaa vai go Jordan ne ahe dua.

Deuteronomy 1:1

Aanei muna a Moses ne tala ange gi de gau Israel alodahi i de vao, i baasi i dua o Jordan — e bei go Arabah — i gaogao Suph, i magavaa o Paran ma Tophel, ma Laban, ma Hazeroth aama Dizahab.

Numbers 34:3

gai de ngaadonga o doodou henua mai i ngaage go de vao o Zin, i gaogao de henua o Edom. Gai doodou ngaadonga mai i ngaage e daamada mai i Tai Soolo i baasi dua;

Psalm 77:19

Doo haiava e hano laa lo te lausedi, gai e hano laa magavaa o denga moana nnui; gai duulanga o oo dabuvae e dee gi gidee donu.

Psalm 74:15

Go koe ne huugea denga vai ma saalingaa vai; koe ne hai gi maamasa denga saalingaa vai mmahi.

Psalm 66:6

Ia ne hai gi masa tai bei de uda henua; gai gilaadeu ne seesee ga hulo laa lo te vai. Gimaadeu ne malangilangi i kilaa i de ia

Psalm 29:10

Tagi Maolunga e noho i honga vai o tolona; Tagi Maolunga gu hodooligi ga hano ai.

Joshua 15:2

Gai de ngaadonga o delaadeu vaaenga i baasi i ngaage, e daamada i de palo i baasi ngaage o Tai Soolo,

Deuteronomy 3:17

Gai olaadeu goinga i baasi dai go de mommee soe o Jordan, mai i de vai go Kinnereth ga hano ai ga dae gi tai o Arabah, i lalo denga madadaagodo o de mounga go Pisgah, i baasi dua.

Exodus 14:21

Gai Moses ga haalo ange dono lima gi honga tai, gai Tagi Maolunga ga hai gi humai de madangi mmahi i dua i de boo laa alodahi, gi haia gi masa tai, gi sula age de gelegele. Gai de vai gu vvae lua,

Psalm 33:7

Ia ne hagabudu denga lausedi bei vai i lo te manu hao vai; gai ia ne dugu de moana gelo i lodo mommee doange.

Psalm 114:5

Tai, gu aha gu savini ai laa goe ma gu hano? Jordan, gu aha gu ahe dua ai laa goe?

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Ezekiel 47:8

Gai ia ne hai mai gi de au, “De vai nei e sali ma e hano gi baasi i dua, gai e hano iho hogi gi Arabah, go kilaa e duu ange ai gi Tai Magau. Gai de masavaa naa huu e ulu ange ai ono vai gi lo te Dai Magau, gai vai soolo i kilaa gu sui ga ni vai danuaa.

Nahum 1:4

Ia e hagasee tai ga hai gu masa; ia e hai denga saalingaa vai gi maamasa. Bashan ma Carmel gu mmae, gai huaala o Lebanon gu mmae.

Habakkuk 3:8

Tagi Maolunga, koe ne lili laa i denga leevaa? Koe ne lili laa i denga saalingaa vai? Koe ne uluhia ange laa gi tai, i de masavaa oou ne savini ai i honga au hoosa, ma honga oo hada ne kii ai?

Exodus 14:22

gai de gau Israel ga seesee laa lo te vai laa, i honga de gelegele mmasa, gai denga vai gu tuu age gi lunga i de baasi madau ma de baasi masui.

Exodus 14:29

Aagai de gau Israel ne seesee i honga de gelegele mmasa i lo te ungaalodo o de vai; gai denga vai gu budubudu age gi lunga i de baasi madau aama de baasi masui.

Exodus 15:8

Koe ne busi i luoo bongaa usu gai denga vai gu hagabudubudu age. Denga vai ne tuu gi lunga bei dagodo o de bae hadu, gai vai i lo te vai gelo laa gu makaga.

Joshua 4:22

gai goodou daalaa ange ga hai ange, ‘Israel ne seesee mai laa lo te saalingaa vai go Jordan i honga de gelegele mmasa.’

Joshua 5:1

Gai denga hodooligi alodahi o de gau Amor i baasi dai o Jordan, aama hodooligi alodahi o de gau Canaan e nnoho laa i tagudai ne langona ai bolo Tagi Maolunga ne hai ga masa ssaalingaa vai go Jordan i mada i mua o de gau Israel, ga dae ai gi delaadeu tae gi de baasi laa de vai. Gai gilaadeu gu maatagu mmao, gu deai selaadeu tali i hiidinga o de gau Israel.

Joshua 12:3

Ia ne hodooligi hogi i denga mommee i baasi dua o Arabah, mai i de Vai go Kinnereth i baasi dua, i de haiava e hano laa gi Beth Jeshimoth, gai e hano ga dae gi Tai o Arabah, (e bei go Tai Soolo), ma de hano ga dae gi ngaage, i lalo denga madadaagodo o de mounga go Pisgah.

Joshua 16:7

Gai e hano iho mai i Janoah ga hano gi Ataroth ma Naarah, ga hano ga duu ange gi Jericho gai e ngado i Jordan.

Judges 7:22

Gai de masavaa huu alaadeu ne ili ai denga hanga manu e dolulau laa, gai Tagi Maolunga ga hai de hagabuulinga hebagi laa gi hagadau hebagi i olaadeu magavaa, ma de saavini ga hulo gi Beth Shittah, i de haiava e hano laa gi Zererah, ga hulo gu tae gi Abel Meholah i gaogao o Tabbath.

Psalm 78:13

Ia ne hhanga lua de vai gai gilaadeu ga seesee i ono lodo, gai ia ne hai denga vai gi hagabudubudu gi tuu gi lunga.