Joshua 20:8 - De Beebaa Dabu

⁸ Gai de baasi laa o Jordan i de baasi i dua o Jericho, gilaadeu ne vvae gee Bezer i de vao, i de mommee soe i de henua i de vaaenga o Reuben, ma Ramoth i Gilead i de vaaenga o Dan, aama Golan i Bashan i de vaaenga o Manasseh.

Joshua 20:8 Referans Kwoze

1 Chronicles 6:78

gai mai i de vaaenga o Reuben i de baasi laa o Jordan, i baasi dua o Jericho, go Bezer i de vao, ma Jahzah,

Joshua 21:36

Gai mai de aamuli Reuben: go Bezer ma ono mommee iai helii, ma Jahaz ma ono mommee iai helii,

Joshua 21:38

Gai mai i daho de aamuli o Gad: go Ramoth i Gilead (go dahi aduhale hagaola) ma ono mommee iai helii, ma Mahanaim ma ono mommee iai helii,

Joshua 21:27

Gai denga hagadiilinga o Gershon mai i de aamuli o Levi ne kave: Mai i daho dahi luu baasi de aamuli o Manasseh: go Golan i Bashan (go dahi aduhale hagaola) ma ono mommee iai helii, ma Be Eshterah ma ono mommee iai helii — e lua aduhale nei.

1 Chronicles 6:80

gai mai i de vaaenga o Gad: go Ramoth i Gilead ma Mahanaim,

1 Kings 22:6

Gai de hodooligi o Israel ga hagabuni mai e haalau pelaabisi, ga ssili ange gi gilaadeu, “Ga hano au e hebagi ange gi Ramoth i Gilead be deai?” Gai gilaadeu ga hai ange, “Hannoo, gai de Ia Aamua e dugu adu naa goe, de hodooligi, gi hagadee kii ina de aduhale laa.”

Deuteronomy 4:43

Aanei denga aduhale: go Bezer i de vao i de mommee soe o de aamuli o Reuben, ma Ramoth i Gilead i de vaaenga o Gad, aama Golan i Bashan i de vaaenga o Manasseh.

Deuteronomy 3:10

Gai gidaadeu ne kave denga aduhale alodahi i de mommee soe i de henua, ma Gilead alodahi, ma Bashan alodahi ga dae ai loo gi Salecah ma Edrei; aanei aduhale i de nohoanga hodooligi o Og e noho laa i Bashan.

Joshua 20:7

Gai gilaadeu ne vvae Kedesh i Galilee, i de mommee iai mounga i de vaaenga o Naphtali, ma Shechem i de mommee iai mounga i de vaaenga o Ephraim, ma Kiriath Arba (e bei go Hebron) i de mommee iai mounga i de vaaenga o Judah.

Joshua 20:9

Aanei denga aduhale hagaola gu vvae, e hulo de gau Israel, ma de gau henua gee e nnoho i olaadeu magavaa — noo tangada gu daa dahi dangada ga magau, gai ia tee se hagabau, gai ia e maua i de savini e hano gi dahi aduhale hagaola laa, gi dee daia ai ia i tangada e suuia ange ana mee ne hai, ga dae ai gi de hagamodu ono muna i mada i mua o dangada.

2 Kings 8:28

Gai ia ne hano madali Joram, tama daane a Ahab, ga hebagi ange gi Hazael, de hodooligi o Syria, i Ramoth i Gilead. Gai de gau Syria ne hagalagohia Joram i kilaa.