Joshua 2:7 - De Beebaa Dabu

⁷ Gai denga daane o de hodooligi ne doolohi luu daane laa i de haiava e hano laa gi ssaalingaa vai go Jordan, ga dae ai gi denga mommee e hulo ai laa gi de baasi gee o de vai. Gai de masavaa o denga daane laa ne hulo ai, gai de haitoga o de aduhale gu pono.

Joshua 2:7 Referans Kwoze

Judges 3:28

Gai ia ga hai ange gi dangada, “Goodou daudali mai i de au; go hiidinga Tagi Maolunga gu dugu adu goodou gi hagadee kii ina oodou hagadaumee go de gau Moab.” Gai gilaadeu ne hulo madali ia ga kave denga mommee o de gau Moab, e hulo ai laa lo te vai gi de baasi gee o Jordan; gai gilaadeu tee dugu ange dahi dangada daudahi gi hano gi de baasi laa o de vai.

Acts 5:23

ga hai ange, “Gimaadeu ne hulo ga gidee bolo de hale pono e pono ma e makaga, gai de gau hagaloosi e tuu i gaogao denga haitoga. Aagai de masavaa amaadeu ne hhuge ai de haitoga, gai gu deai donu dangada i lodo!”

Judges 12:5

Gai de gau Gilead ne kave mommee i gaogao ssaalingaa vai go Jordan e hulo ai laa lo te vai gi Ephraim, gai de masavaa naa huu o dahi dangada ne ola laa i Ephraim e hai ange ai, “Au e lodo e hano gi de baasi laa,” gai denga daane Gilead ga ssili ange, “Koe se dangada Ephraim?” Gai noo ia e hai ange, “E deai,”

Joshua 2:5

Gai de masavaa huu ne dai pono ai de haitoga o de aduhale i de ahiahi, gai gilaau ga ssao ga hulo, gai au tee iloo be go hee olaau ne hulo aagena. Goodou hagamoolau doolohia gilaau. Gai goodou e maua naa donu gi daea adu gilaau.”

Joshua 2:6

(Aagai ia gu gaavage luu daane laa gi tua de hale, ma gu hagammuni ai gilaau i magavaa o denga noodangaa flax aana e hagatau laa i tua de hale.)

Joshua 2:8

Gai i mua de daakodo iho o luu daane mulidagi laa e sseni, gai a Rahab ga hanage gi olaau daha i tua de hale,