Joshua 11:23 - De Beebaa Dabu

²³ Gai Joshua ne hagadee kii de henua alodahi, bei de hai a Tagi Maolunga gu tala ange ai laa gi Moses; gai Joshua ga vaevae ange de henua gi de gau Israel gi henua ai, de aamuli nei ma dono vaaenga. Gai de henua gu nnoho paba, gu deai hebagi e hai.

Joshua 11:23 Referans Kwoze

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

Joshua 23:1

Dua dahi masavaa looloa, gai Tagi Maolunga ne hai Israel gi nnoho paba, mai i olaadeu hagadaumee i luu baasi delaadeu henua, gai Joshua gu madumadua,

Joshua 22:4

Iainei gai Tagi Maolunga doodou Maadua gu hai oodou daina gi nnoho paba, bei de hai aana gu hagatoo donu ange ai gi gilaadeu. Deenei ai, goodou gu maua i de aahe e hulo gi oodou hale i de henua ne bolo adu gi goodou gi henua ai, go de mommee a Moses, tangada hai hegau o Tagi Maolunga, ne gaavadu gi goodou i de baasi dua o Jordan.

Joshua 18:10

Gai Joshua ga dada olaadeu mommee i Shiloh i mada luu mada o Tagi Maolunga, gai ia ga vaevae ange de henua gi de gau Israel e doe laa, de aamuli nei ma dono vaaenga.

Joshua 11:18

Gai se masavaa daulooloa a Joshua ne hebagi ange ai gi denga hodooligi laa.

Deuteronomy 25:19

Deelaa ai, de masavaa naa huu a Tagi Maolunga doodou Maadua e hai ai goodou ga nnoho paba, i de henua a Tagi Maolunga doodou Maadua e gaavadu gi goodou gi henua ai, gai goodou gu dee maatagu i oodou hagadaumee e nnoho i oodou gaogao, gai goodou ga hai gi deai se dangada Amalek e doe i lalo de langi. Goodou e dee ngalo donu de mee nei!

Deuteronomy 1:38

Gai Joshua tama daane a Nun, doo daane bale, e hano gi dae gi kilaa, gai koe ga hagammahi ange ono lodo, i hiidinga go ia e gaavee de gau Israel gi tae e kave de henua laa.

Exodus 34:11

Gai goodou kana ange hagallongo ange gi muna aagu gu tala adu gi goodou anailaa nei. Tilo, au e hai naa gi hulo gee de gau Amor, ma de gau Canaan, ma de gau Heth, ma de gau Perez, ma de gau Hiv, aama de gau Jebus.

Nehemiah 9:24

Gai olaadeu hagadiilinga ne hulo ga kave de henua laa. Gai koe ne dugu ange gilaadeu gi hagadee kii ina dangada nogo nnoho i de henua laa, go de gau Canaan, ga hai gilaadeu ma olaadeu hodooligi, aama denga huaadangada o de henua laa gi hai hegau ange gi gilaadeu, ma de hai be ni aha alaadeu e llodo e hai ange gi gilaadeu.

Ezekiel 45:8

De henua nei go dono mommee e henua ai i Israel. Denga dagi aagu gu hili gi dee vaivai haia dogu huaadangada, aagai gi dugua ange de gau Israel gi gaavee olaadeu vaaenga gi bei de soa o olaadeu aamuli.

Joshua 12:7

Gai aanei denga hodooligi o de henua a Joshua ma de gau Israel ne hagadee kii i baasi i dai o Jordan; mai i Baal Gad e duu laa i lo te geelonga go Lebanon, ga dae ai gi de mounga go Halak e duu age laa i Seir. Gai Joshua ne gaavange olaadeu henua gi denga aamuli o Israel gi vaevae ai —