Joshua 11:15 - De Beebaa Dabu

¹⁵ Gai Joshua ne hai donu ga bei muna a Tagi Maolunga gu tala ange gi dono dangada hai hegau go Moses, gai Moses ga tala ange gi Joshua. Gai teai donu se muna daudahi a Tagi Maolunga ne tala ange gi Moses a Joshua tee hai.

Joshua 11:15 Referans Kwoze

Joshua 1:7

Gai koe gi lodo mmahi ma de lo taane. Gai kana ange haia gi bei hainga alodahi, a dogu dangada hai hegau go Moses gu tala adu gi de goe; aude huli gee mai ai gi hano gi de madau aabe go de masui, gi hagadagadaga age ai goe i mommee alodahi oou e hano aagena.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

Deuteronomy 7:2

gai de masavaa naa huu a Tagi Maolunga doodou Maadua e dugu adu ai gilaadeu gi nnoho i oodou lalo, gai goodou gu hagadee kii gilaadeu, gai goodou e daa gilaadeu alodahi gi odi i de maakau. Goodou e dee hai hogi dahi hagatoo donu hagaheloongoi madali gilaadeu, aabe abodonu ange gi gilaadeu.

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

Deuteronomy 31:7

Gai Moses ne hagahi Joshua ga hai ange gi de ia, i madamada o de gau Israel alodahi, “Koe gi lodo mmahi ma de lo taane, go hiidinga go koe e hano madali de huaadangada nei, gi de henua a Tagi Maolunga gu hagatoo donu ange gi olaadeu dubuna madagidagi, bolo e gaavange gi gilaadeu, gai koe ga vaevae ange ai de henua gi gilaadeu.

Deuteronomy 12:32

Kana ange diiloo gi daudali goodou i muna alodahi aagu e tala adu gi goodou; goodou aude hagapuni ina ange aabe e aau gee hanu muna mai i mee nei.

Deuteronomy 4:5

Goodou e iloo bolo au gu agoago adu goodou hainga gu hagasauaa ma hagamodu, bei de hai a Tagi Maolunga dogu Maadua gu tala mai ai gi de au, gai goodou ga daudali ai, i de masavaa oodou e hulo ai ga kave de henua laa.

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Deuteronomy 4:2

Gai goodou e dee hagapuni ange aabe e aau gee hanu muna i muna aagu gu tala adu gi goodou, aagai goodou daohia hainga a Tagi Maolunga doodou Maadua aagu gu tala adu gi goodou.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

Joshua 11:12

Gai Joshua ne hagadee kii denga aduhale laa alodahi ma olaadeu hodooligi ga daa gilaadeu gu maakau. Ia ne oha hogi denga aduhale alodahi, bei de hai a Moses, tangada hai hegau o Tagi Maolunga, gu tala ange gi de ia.

Luke 11:42

E vakaa naa goodou e denga Pharisee! Goodou e gaavange dahi diba i diba e madaangahulu o oodou mint ma rue aama mee mai i denga manu ssomo, gai e hagangadi mee de hagamodu muna heohi ma de aloha o de Maadua. E heohi donu doodou hai mee nei, gai e dee tili mee ange laa.

Matthew 23:23

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaavange dahi diba i diba e madaangahulu o oodou mint ma dill aama cummin, gai goodou gu tili muna o de hainga e kii ange laa de hagamogomogo: go de hagamodu muna heohi, ma de abodonu ange gi dangada aama de gai. E heohi donu doodou hai mee nei, gai e dee tili mee ange laa.

Joshua 11:14

Gai de gau Israel ne kave denga goloa alodahi ma manu haangai i denga aduhale laa, aagai ne daa ga maakau dangada alodahi i de gadilaasa, gai gilaadeu tee dugu donu dahi dangada daudahi gi ola.

Joshua 11:16

Gai Joshua ne hagadee kii de henua laa alodahi: go de mommee iai mounga ma de Negev alodahi, ma de henua alodahi o Goshen, ma mommee iai duuduu paa i lalo, ma denga mommee ssoe, ma denga mounga o Israel, aama olaadeu mommee iai duuduu paa i lalo;

Numbers 33:50

Gai Tagi Maolunga ne hai ange gi Moses, i de mommee soe o Moab i gaogao o Jordan, i de baasi gee o Jericho,

Numbers 33:52

gai goodou ga alualu gi hulo gee dangada alodahi e nnoho i de henua, ma de oha olaadeu diinonga hadu ma diinonga baalanga, aama de oha olaadeu mommee daumaha.

Deuteronomy 31:3

Gai go Tagi Maolunga doodou Maadua, e hano i oodou mada i mua. Ia e daa naa ga maakau denga huaahenua i oodou mada i mua, gai goodou ga henua ai i olaadeu henua. Gai go Joshua e dagina goodou gi de baasi laa o Jordan, bei de hai a Tagi Maolunga gu tala ai.

Deuteronomy 31:5

Gai Tagi Maolunga e dugu adu naa goodou gi hagadee kii ina gilaadeu, gai goodou haia gilaadeu bei dagu hai gu tala adu ai gi goodou.