Joshua 10:4 - De Beebaa Dabu

⁴ “Goodou loomai balea mai au e hebagi ange ai gi Gibeon, go hiidinga gilaadeu gu hagadanuaa olaadeu magavaa ma Joshua aama de gau Israel.”

Joshua 10:4 Referans Kwoze

Joshua 9:15

Gai Joshua ga hagadanuaa olaadeu magavaa ma de gau laa, ga dugu gilaadeu gi mouli. Gai dagi o de hagabuulingaa dangada laa ga hagasauaa de mee laa i dahi hagatoo donu.

Joshua 10:1

Gai Adoni-Zedek de hodooligi o Jerusalem, ne langona bolo Joshua gu hagadee kii de aduhale go Ai ma gu oha alodahi, bei dana hai ne hai ai laa Jericho ma dono hodooligi, gai de gau Gibeon gu hagaheloongoi ange gi de gau Israel ma de nnoho i olaadeu daha.

Revelation 16:14

Aagai denga hagasaalunga baubau laa e hai denga sauaa, gai gilaadeu ne hulo gi daho denga hodooligi alodahi o henua i lalo, ga hagabuni mai gilaadeu e hagadabena ange gi de hebagi i de laangi maolunga o de Maadua Mmahi Mmao laa.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

2 Timothy 3:12

Gai dangada alodahi e llodo e haia lodo o de Maadua i daho Klisdo Iesu e vaivai haia naa donu,

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”

John 15:19

Noo goodou ni dangada henua i lalo, gai henua i lalo e aloha i ono dangada donu; gai goodou e dee ni dangada henua i lalo, aagai au gu hili ma gu vvae gee goodou mai i henua i lalo, deelaa ai, henua i lalo e kino i goodou.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Joshua 10:5

Aagai gu hagabuni mai denga hodooligi e dogolima o de gau Amor ma olaadeu daane hebagi — go de hodooligi o Jerusalem, ma de hodooligi o Hebron, ma de hodooligi o Jarmuth, ma de hodooligi o Lachish, aama de hodooligi o Eglon. Gai gilaadeu ne loage ga duuli luu baasi o Gibeon, e hebagi ange ai gi de aduhale laa.