Joshua 10:13 - De Beebaa Dabu

¹³ Gai de laa gu duu, gai de maasina tee ngalue donu, ga dae ai gi de kii o Israel i olaadeu hagadaumee. E aha, tee sisi i de Beebaa a Jashar? De laa ne duu i lo te ungaalodo o de langi, gai tee hagamoolau donu e hano e danu i dahi hualaangi.

Joshua 10:13 Referans Kwoze

Habakkuk 3:11

De laa ma de maasina gu tuu donu huu i lo te langi i de tili dao malamalama o dau mee hholu, ma de maalama o dau dao malamalama.

Isaiah 38:8

Au e hai naa de goohunga o de laa i honga de gaagenga, gu hano iho laa i honga de gaagenga o Ahaz, gi ahe age ange gi honga e madaangahulu vae gaagenga.’ ” Deelaa ai, de goohunga o de laa ne ahe age ange i honga e madaangahulu vae gaagenga, i dua de hano ga ui gi lalo.

Joshua 10:14

Gai tigi ai ange donu se laangi bee nei i mua ga dae mai ai gi iainei, go de laangi a Tagi Maolunga ne hagallongo ange ai dahi dangada. Go hiidinga Tagi Maolunga ne hebagi i hiidinga o de gau Israel.

Judges 16:28

Gai Samson ga dalodalo ange gi Tagi Maolunga, ga hai ange, “Dogu Ia Aamua go Iahweh, aude haihaia, manadua mai au. De Maadua, aude haihaia hagaahea mai ogu mmahi i de hanonga nei, gai au ga sui ange mee a de gau Philistia ne hai ange gi luoogu hadu mada.”

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

Joel 3:15

De laa ma de maasina e hagagohu naa, gai denga heduu e llilo naa.

Joel 2:10

Henua i lalo ma de langi gu ngalungaalue i delaadeu loomai. De laa ma de maasina gu hagagohu, gai denga heduu gu llilo gu dee maalama.

Psalm 148:3

De laa ma de maasina, duuhia ia; denga heduu maalama alodahi, duuhia ia.

Psalm 19:4

Olaadeu leo e hulo ma e tae gi henua i lalo alodahi, gai alaadeu muna e tae gi de bido laa o henua i lalo. De Maadua gu hagaduu dahi hale malo moo de laa i lo te langi,

Esther 8:13

Gai ne langa muna i de hagailoo ne hai laa ga se hainga ga kave gi denga vaaenga alodahi, ma de hai gi iloo e dangada alodahi. Gai de gau Ssuu gi hagadabena i de laangi laa gi suuia ange mee a olaadeu hagadaumee e hai ange gi gilaadeu.

2 Samuel 1:18

gai ia ne hagadaba bolo gi agoagona ange dangada o Judah taahili nei. (Taahili nei e sisi i de Beebaa a Jashar.)

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Judges 5:2

“Denga dagi ne dagi de gau Israel, gai dangada ne malangilangi i de hulo gi de hebagi. Duuhia Tagi Maolunga!

Joshua 10:11

Gai de masavaa olaadeu e saavini ai e hulo gee i de gau Israel, i de madadaagodo i Beth Horon, gai Tagi Maolunga ga tili iho denga duudangaa haisi nui i de langi gi olaadeu elunga, ga dae ai loo gi Azekah. Gai ne soa ange gilaadeu ne maakau i hiidinga o denga duudangaa haisi, i gilaadeu a de gau Israel ne daa ga maakau i de gadilaasa.

Numbers 31:2

“I mua doo magau, gai koe suuia ange hegau baubau a de gau Midian ne hai ange gi de gau Israel, gai muli mai gai koe ga magau ai bei oo dubuna madagidagi.”

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Revelation 8:12

Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.

Revelation 6:12

Gai de masavaa aana ne oha ai de ono mee hagamakaga laa, gai au ne gidee bolo gu kona de ngalungalue de henua; de laa gu gohu bei de malo daladala uli, gai de maasina alodahi gu mmea bei denga dodo,

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”

Acts 2:20

De laa e hagagohu naa, gai de maasina e bei naa denga dodo i mua de dae mai o de laangi maolunga ma de hagamaatagu o Tagi Maolunga.

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Numbers 21:14

Deelaa ai, gu sisi i de Beebaa o denga hebagi a Tagi Maolunga, e hai ange, “Waheb i Suphah, ma denga geelonga o Arnon,

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Joel 2:31

De laa e hagagohu naa, gai de maasina e bei naa denga dodo, i mua de dae mai de laangi maolunga ma de hagamaatagu o Tagi Maolunga.

2 Kings 20:10

Hezekiah ne hai ange, “Se mee hai ngaohie donu de hai gi ngalue adu ange de goohunga o de laa gi honga e madaangahulu vae gaagenga. Deenei ai, haia gi ngalue dua i honga e madaangahulu vae gaagenga.”

De Beebaa go Job 9:7

Ia e basa ange gi de laa gai gu dee sobo age; ia e haoli de maalama o denga heduu.