Jonah 2:8 - De Beebaa Dabu

⁸ Gilaadeu e daumaha ange gi denga ngadi diinonga e daahuli gee doo abodonu ange gi gilaadeu.

Jonah 2:8 Referans Kwoze

Psalm 31:6

Au e kino i gilaadeu e daumaha ange gi denga diinonga e deai olaadeu haigamaiana: aagai au e hagadonusia Tagi Maolunga.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

2 Kings 17:15

Gilaadeu ne tili ana hainga gu hagasauaa, ma dana hagatoo donu hagaheloongoi ne hai madali olaadeu dubuna madagidagi, aama ana mee gu hagakana ange ai gilaadeu. Gai gilaadeu gu daumaha ange gi denga diinonga e deai olaadeu haigamaiana, ga hai ai ga deai olaadeu haigamaiana. Gilaadeu ne ago ange i denga huaahenua e paa ange gi gilaadeu, e dee galemu donu Tagi Maolunga gu hai ange, “Goodou aude ago ange i gilaadeu,” gai gilaadeu ne hai donu mee a Tagi Maolunga ne hai ange gilaadeu gi dee haia.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

1 Samuel 12:21

Goodou aude hulo gi daudali ange i denga ngadi diinonga e deai laa olaadeu haigamaiana ma tee maua i de hagaola goodou, go hiidinga gilaadeu ni ngadi mee donu.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Psalm 69:14

Daangia age au i lo te bela pigi oogu gu dai danumia ai; hagaola ina mai au i gilaadeu e kino i de au, ma mai i lo te moana gelo.

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.